Elimizde SHJK paıdalanatyn 1 733 jumys berýshi bar.
Eńbek jáne halyqty áleýmettik qorǵaý mınıstrliginiń mamandary Qazaqstanǵa kelip jumys isteıtin shetel azamattar týraly aıtty, dep habarlaıdy Almaty-akshamy.kz.
Resmı málimetter boıynsha, 2022 jylǵy 1 mamyrdaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 15 932 shetel azamaty eńbek etedi.
«Shetel jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 630 ruqsat (birinshi sanat), qurylymdyq bólimshelerdiń basshylary úshin 3 154 ruqsat (ekinshi sanat). Tartylǵan SHJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 643 jáne 837 adam. Sondaı-aq maýsymdyq jumystarǵa 1 343 adam, al korporatıvtik aýystyrý aıasynda 2 325 adam tartyldy», - delingen mınıstrliktiń baspasóz qyzmetiniń habarlamasynda.
Qazirgi ýaqytta Qazaqstanda SHJK paıdalanatyn 1 733 jumys berýshi bar. Olarda 391 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y.
Eńbek mıgranttary keletin negizgi elder: Qytaı – 3 613 adam, Túrkıa – 1 838 adam, Úndistan – 1 293 adam, Ózbekstan – 1 385 adam, Ulybrıtanıa – 1 083 adam.
İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. Osy jylǵy qańtarda iri otandyq bıznes ókilderimen kezdesý qorytyndysy boıynsha Memleket basshysynyń bergen tapsyrmasyn oryndaý úshin mınıstrlik shetel jumys kúshin tartýǵa arnalǵan kvotany buryn josparlanǵan 28 352 birlikten 23 560 birlikke deıin, ıaǵnı 4 792 adamǵa (16%) qysqartty.