Sektordaǵy qyzmetterdiń úshten birinen astamy mádenı astana - Almatynyń enshisinde.
2021 jyldyń úsh toqsanynyń qorytyndysy boıynsha, Qazaqstan Respýblıkasynda joǵary bilim salasyndaǵy qyzmet kórsetý kólemi 278,9 mlrd teńgege jetti, bul bir jyl burynǵymen salystyrǵanda 9,3%-ǵa artyq, dep habarlaıdy Almaty-akshamy.kz Energyprom.kz saıtyna silteme jasap.
Bul qarjynyń 36,5%-y Almaty qalasyna tıesili: ıaǵnı, 101,8 mlrd teńge, jyldyq ósimi 13,5%. Osy saladaǵy úzdik óńirler úshtigine elorda (63,2 mlrd teńge) men Shymkent (19,8 mlrd teńge) kiredi.
Sala boıynsha qyzmet kórsetýdiń eń tómen kórsetkishi Mańǵystaý oblysynda belgilengen: bar bolǵany 1,3 mlrd teńge.
Salada kórsetilgen qyzmetterdiń negizgi kólemi iri kompanıalardyń úlesine tıdi: 245,9 mlrd teńge, plús jylyna 10,2%. Shaǵyn kásipkerlik sýbektileri 16,4 mlrd teńgeni (jyl boıynsha mınýs 8,7%), orta – 16,6 mlrd teńgeni (plús 17,3%) qurady.
Menshik nysandary boıynsha joǵary bilim berý salasyndaǵy qyzmetterdiń basym bóligin jeke kásiporyndar kórsetken: 177 mlrd teńge, plús jylyna 53,7%. Memlekettik kásiporyndardyń qyzmetteri bir jylda 27,6%-ǵa, 100,1 mlrd teńgege deıin, sheteldik qyzmetter – 6,2%-ǵa, 1,8 mlrd teńgege deıin tómendedi.
2022 jyly joǵary bilim salasyndaǵy granttardyń jalpy sany 10%-ǵa artady, dep habarlady QR Premer-Mınıstriniń resmı saıty.
Tehnıkalyq baǵyttar boıynsha granttardyń úlesi 40%-dan 60%-ǵa deıin ulǵaıtylady, aýyldyq kvota 35%-dy quraıdy. Qazaqstan Respýblıkasynyń Bilim jáne ǵylym mınıstrligi Memleket basshysynyń tapsyrmasy boıynsha Qazaqstanda sheteldik bedeldi ýnıversıtetterdiń 5 fılıalyn ashady.