Qazaqstan tólqujatynda qar barysynyń beınesi paıda bolady. Bul týraly Úkimet otyrysynda aıtyldy, - dep habarlaıdy Aqshamnews.kz tilshisi.
İshki ister mınıstriniń mindetin atqarýshy Baýyrjan Álenov vedomstvo ulttyq tólqujattyń qorǵanys deńgeıin arttyrý baǵytynda jumys júrgizip jatqanyn aıtty.
Sýret: İİM prezentasıasynan alynǵan skrın
"Bizdiń azamattar vızasyz 43 elge bara alady. Tólqujat barlyq halyqaralyq standartqa saı, qajetti qorǵanys elementteriniń bári bar. Qazir qosymsha qorǵanys deńgeılerin engizý máselesin qarastyryp jatyrmyz", – dedi Álenov.
Qazaqstandyq tólqujattyń jańa nusqasy qandaı bolatyny kórsetildi. Sýrette memlekettik sımvoldar, sport klýbtary men uıymdarda jıi beınelenetin barysty kórýge bolady.
Pasportqa ótinish berý kuny qandaı?
Tólqujat bet sanyna baılanysty tólenetin quny da ártúrli:
2025 jylǵy 1 qańtardan bastap 1 AEK — 3 932 teńge ekenin atap óteıik:
- Pasport (36 bet) — 31 456 teńge (8 AEK).
- Pasport (48 bet) — 47 184 teńge (12 AEK).
- Balalar pasporty — 15 728 (4 AEK). Aıta keteıik, balanyń tólqujaty 24 betten turady.