Ūlytau oblysynda qarjy pıramıdasyn ūıymdastyrǵan adam sottaldy, - dep habarlaıdy aqshamnews.kz tílshísí.
Jezqazǵan qalalyq soty qarjy pıramıdasyn ūıymdastyryp, 22 adamǵa jalpy somasy 27 mln teńgege shyǵyn keltírgen qala tūrǵynyn kínálí dep tanydy.
2024 jylǵy nauryz men jeltoqsan aralyǵynda ol kompanıya keńsesínde kezdesuler ótkízíp, jańa qatysushylardy tírkeumen, kompanıya júıesínde akkaunttar qūrumen jáne Telegram messendjerí arqyly úgít materıaldaryn taratumen aınalysqan.
Būl qyzmet azamattardy elektron valyutaǵa ınvestıtsıya salu jáne bonustar alu syltauymen júıege tartuǵa baǵyttalǵan.
Sot úkímímen kínálí adamǵa 5 jyl bas bostandyǵyn aıyru jazasy taǵaıyndaldy.
Úkím zańdy kúshíne engen joq.
Prokuratura azamattarǵa qyraǵy boludy, kompanıyalardyń qarjylyq qyzmetín jáne olardyń tıístí lıtsenzıyalarynyń boluyn tekserudí, sondaı-aq qarjylyq pıramıdalarynyń belgílerí bar shemalarǵa qatyspaudy eskertedí.
