Áýejaı «Qorǵas – Shyǵys qaqpasy» arnaıy ekonomıkalyq aımaǵynda salynady.
Qujatty Qazaqstanǵa Germanıa kansleriniń resmı sapary barysynda QR Kólik vıse-mınıstri Talǵat Lastaev pen SKYHANSA basqarýshy seriktesi Iýrgen Gresbah qol qoıdy.
Qazaqstan-nemis birlesken jobasy úsh kezeńde júzege asyrylady dep kútilýde. Jalpy, jobaǵa 500 mıllıon dollardan astam jekemenshik ınvestısıa salynyp, 300-den astam turaqty jumys orny qurylmaq.
«Joba áýejaı ınfraqurylymyn úsh kezeńde salýdy, saǵatyna 500 adamǵa deıin qabyldaı alatyn jolaýshylar termınalyn, jylyna 550 000 tonna otyn saqtaýǵa arnalǵan qoımany, jylyna 250 000 tonnaǵa deıin júk óńdeýge arnalǵan júk termınalyn salýdy kózdeıdi», – dep habarlady Azamattyq avıasıa komıteti.
Halyqaralyq áýejaı salýmen qatar, joba áýe kemelerin jóndeýge arnalǵan avıasıalyq-tehnıkalyq ortalyqty qurýdy, sondaı-aq týrısik jáne saýda-oıyn-saýyq qyzmetterin damytýdy qamtıdy.
Qazirgi ýaqytta Jetisý oblysynyń ákimdigi áýejaı qurylysyna jer bólip qoıǵan. Investısıalyq kelisim jasalǵannan keıin, ınvestor jobaǵa kirisedi.