Elimizde mobıldi ınternet baılanysy jaqsy damyp keledi.
Degenmen alys eldi mekenderde atqaratyn jumys barshylyq, dep habarlaıdy Almaty-akshamy.kz.
Halyqaralyq elektrobaılanys odaǵy TMD aýmaqtyq bóliminiń dırektory Natalá Mochý osyndaı pikir aıtty.
Mochýdyń aıtýynsha, resmı statısıkada eldiń ınternetpen qamtylýy jaqsy kórsetkishke ıe. Kórsetkish 2020-2021 jyldary pandemıa kezinde jaqsara túsken. 3G ınternet jelisi 100 paıyz bar deýge bolady. Al 4G ınternet jelisi – 97 paıyz shamasynda. Bul, álbette, onyń sapasy da sondaı joǵary deńgeıde degendi bildirmeıdi.
«Internet sapasyn arttyrýǵa Qazaqstannyń áleýeti bar. Degenmen qolda bar málimetterdi aıta keteıin. Halyqtyń jartysynan (elý paıyzdan tómen) az bóligi talshyqty-optıkalyq baılanys jelisine qosylǵan núkteden on kılometrden aspaıtyn qashyqtyqta turady. Sondyqtan optıkany iri, orta jáne tipti shaǵyn eldi mekenderge mindetti túrde jetkizý kerek dep esepteımiz», - dedi ol