Búgin shahardyń Áýezov aýdanynda qoǵam belsendilerimen syndarly dıalog ótti.
Almaty polısıasynyń bastyǵy PIK jáne OSI tóraǵalarymen kezdesti, dep habarlaıdy Almaty-akshamy.kz Polisia.kz-ke silteme jasap.
Almaty qalalyq polısıa departamentiniń bastyǵy Arystanǵanı Zapparov aýdandar boıynsha PIK jáne OSI tóraǵalarymen kezdesý ótkizý naýqanyn bastady.
«Qoǵamdyq dıalog, jarıalylyq, adamdardyń muń-muqtajdaryna jedel den qoıý – barlyq memlekettik organdardyń jáne birinshi kezekte – polısıanyń basty basymdyqtary. Qaýipsizdik pen qoǵamdyq tártipti qamtamasyz etýge qoǵamdy tartý deńgeıin arttyrý kezek kúttirmeıtin qajettilik, óıtkeni azamattar turatyn jerlerde qylmys máselesin tek polısıa ǵana sheshe almaıdy. Qazaqta jaqsy sóz bar «jaıaýdyń shańy shyqpaıdy – jalǵyzdyń úni shyqpaıdy» degen. Eger birdeńe jasaıtyn bolsaq, ony tek birge jasaımyz. Polısıa qyzmetkerleri – sizderdiń balalaryńyz, kórshilerińiz, týystaryńyz. Olar da bizdiń qoǵamnyń músheleri. Qoǵamnyń bir múshesi bola otyryp, tártip ornatatyn bolsaq, sizde syrtta qalmaýyńyz kerek», – dedi Arystanǵanı Zapparov.
PD-nyń basshysy aýdannyń ózekti máselelerimen, ýchaskelik polısıa ınspektorlarynyń jergilikti jerlerde atqaryp jatqan jumystarymen tikeleı tanysyp, qaýipsizdikti jaqsartý jáne qylmystyń aldyn alý boıynsha usynystardy tyńdady.
PIK tóraǵalary ýchaskelik polısıa qyzmetkerleriniń Facebook áleýmettik jelisine jáne olardyń jalpy úı chattaryna qosylǵandaryn joǵary baǵalady. Olardyń aıtýlarynsha, bul azamattardyń ótinishterine jedel den qoıýǵa jáne oqıǵalardan habardar bolýǵa múmkindik beredi.