Ilon Masktyń SpaceX kompanıasynyń Starlink spýtnık termınaldary birneshe eldiń qara naryǵynda zańsyz satylyp jatyr. Bul týraly Bloomberg saıtynda jarıalanǵan.
Aqparat kózderiniń málimetinshe, SpaceX kompanıasynyń spýtnık baılanysyn paıdalaný úshin memleketterdiń úkimetterimen kelisim jasasý qajet. Alaıda adamdar zańdy kelisimniń bolmaǵyna qaramastan, Starlink-ti paıdalanyp jatyr, dep habarlaıdy Almaty-akshamy.kz.
Zańsyz termınaldar Qazaqstanda, Iemende, Sýdanda, Venesýelada, Ońtústik Afrıkada jáne Reseı basyp alǵan Ýkraına aýmaǵynda taralyp, qara naryqta kóp tabysqa keneldi.
Space X 2019 jyly spýtnıktik baılanys ornata bastady. Búgingi kúnge deıin Starlink shamamen 5500 spýtnıktik jeli arqyly keń jolaqty ınternetke qol jetkizýdi qamtamasyz etedi.
Aıta keteıik, 2023 jyldyń qazan aıynda 10 aýyldyq mektep SpaceX kompanıasynyń Starlink tehnologıasy boıynsha keń jolaqty ınternetke test rejiminde qosyldy. Bul jelide derekterdi berý jyldamdyǵy 200 Mbıt/s jetedi.
Qazaqstandaǵy jeke tulǵalarǵa Starlink paıdalanýǵa tyıym salynady.
2024 jylǵy aqpanda Qazaqstanǵa Starlink kompanıasynan jabdyqtardyń birinshi partıasy keldi. Spýtnıktik júıeniń josparlanǵan 2000 jıyntyǵynyń tek 500-i ǵana jetti.
Aqpan aıynda májilis depýtattary "QR keıbir zańnamalyq aktilerine baılanys, sıfrlandyrý jáne aqparattandyrý salasynyń ınvestısıalyq ahýalyn arttyrý máseleleri boıynsha ózgerister men tolyqtyrýlar engizý" týraly zań jobasyn qabyldady.
Qujatqa sáıkes Qazaqstanda geostasıonarlyq emes spýtnıkterdi (StarLink, OneWeb) paıdalana otyryp, baılanys tehnologıalaryn engizý úshin 2026 jylǵa deıin retteýdi erekshe retteý engiziledi. Qabyldanyp jatqan sharalar shalǵaı aýyldardaǵy áleýmettik nysandardy ınternetpen qamtamasyz etýge kómektesýi kerek.