Baǵdarlamany 2029 jylǵa deıin ózektendirý sharalary pysyqtaldy
Premer-mınıstr Álıhan Smaıylovtyń tóraǵalyǵymen ótken keńeste Halyqtyń tabysyn arttyrý baǵdarlamasyn ózektendirý boıynsha usynystar men nátıjeleri qaraldy, dep habarlaıdy Almaty-akshamy.kz.
Ulttyq ekonomıka mınıstri Álibek Qýantyrov baǵdarlamany iske asyrý nátıjesinde búdjet salasynyń 1,1 mln-nan astam qyzmetkeriniń, atap aıtqanda, 74 myń dárigerdiń jalaqysy orta eseppen 30%-ǵa, 600 myń pedagog pen muǵalimniń jalaqysy – 25%-ǵa, 173 myń orta medısınalyq personaldyń jalaqysy 20%-ǵa jáne búdjettik uıymdar qyzmetkerleriniń ishinde basqa da sanattarynyń jalaqysy 20%-ǵa óskenin habarlady. Jumyspen qamtýdy qamtamasyz etý jáne qyzmetkerler arasyndaǵy eńbekaqy alshaqtyǵyn azaıtý boıynsha qosymsha sharalar qabyldandy.
Sonymen qatar búgingi tańda baǵdarlamany 2029 jylǵa deıin ózektendirý sharalary pysyqtaldy. Bul rette ony respýblıkalyq jáne óńirlik deńgeılerge bólý josparlanyp otyr, bul jergilikti atqarýshy organdardy keńinen tartýǵa múmkindik beredi.
Aldaǵy kezeńdegi negizgi baǵyttardyń biri - Óńirlik jumyspen qamtý kartasy sheńberinde ekonomıkanyń naqty sektorynda jumys oryndaryn qurý, «Aýyl Amanaty» jobasy aıasynda aýyl halqynyń tabysyn arttyrý, sondaı-aq shaǵyn jáne orta bızneske memlekettik qoldaý kórsetý.
Sonymen qatar búdjetten jalaqyny kóterý jáne azamattarǵa jańa sıfrlyq qyzmetter arqyly belsendi áleýmettik qoldaýdyń sharalarymen qamtamasyz etý boıynsha jumysty jalǵastyrý josparlandy.
Premer-mınıstr eki kún ishinde halyqtyń tabysyn arttyrýdyń óńirlik josparlaryn bekitýdi qamtamasyz etip, baǵdarlamany Úkimetke Keshendi jospar túrinde jedeldetip kelisý jáne engizý qajettigin atap ótti.
Jıynda sondaı-aq Eńbek jáne halyqty áleýmettik qorǵaý mınıstri Tamara Dúısenova, Aýyl sharýashylyǵy vıse-mınıstri Ábilqaıyr Tamabek jáne Aqtóbe oblysynyń ákimi Eraly Toǵjanov baıandama jasady.