Qazaqstanda halyqaralyq oqytý onlaın-platformalarynyń analogy iske qosylady
QR Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ aǵymdaǵy jylǵy 28 maýsymnan bastap qysqa merzimdi onlaın-kýrstarǵa oqytýdyń skills.enbek.kz portalyn (budan ári-portal) iske qosady, dep habarlaıdy Almaty-akshamy.kz. mınıstrliktiń baspasóz qyzmeti taratqan habarǵa silteme jasap.
Qazaqstandyq oqý ortalyqtary men ózge de uıymdar kýrstardyń avtorlary men ázirleýshileri bola alady.
Portal marketpleıs (onlaın-qyzmetterdi satyp alý) qaǵıdaty boıynsha onlaın-kýrstardy usynatyn oqytý alańdarynyń qazaqstandyq analogy bolyp tabylady. Kez kelgen azamat talap etiletin daǵdylarǵa nemese biliktilikti arttyrý kýrstaryna oqýǵa qol jetkize alady. Kýrstyń avtorlary men ázirleýshileri zańdy tulǵalar men jeke kásipkerlerdi, sonyń ishinde oqý ortalyqtaryn, bilim berý uıymdaryn tartýdy josparlap otyr.
Portal el halqynyń bilim deńgeıi men kásibıligin arttyrý, mansaptyq damýdy yntalandyrý jáne «ómir boıy oqytý» tujyrymdamasyn ilgeriletý maqsatynda qurylǵan.
Budan basqa, portaldyń áleýmettik maqsaty jumyssyz adamdardy jumysqa ornalastyrý múmkindikterin jaqsartý úshin memleket qarajaty esebinen oqytý bolyp tabylady. Bul fýnksıa 2021 jyldyń ekinshi jartysynda iske qosylady.
«ERDO» AQ múddeli uıymdardy onlaın-oqytý baǵytyn damytýda yntymaqtastyqqa shaqyrady. Onlaın kýrstardyń avtory nemese ázirleýshisi retinde qatysý jáne olardy portal resýrstaryn paıdalaný boıynsha tólemsiz ornalastyrý úshin https://skills.enbek.kz/ siltemesi boıynsha tirkeýden ótý qajet.
Jańa bastaǵan avtorlar men ázirleýshiler úshin portalda onlaın kýrstardy qurý boıynsha ádistemelik usynymdar jáne olarǵa qoıylatyn talaptar ázirlendi jáne ornalastyryldy.
Avtorlar úshin portaldaǵy áriptestiktiń artyqshylyqtary mynadaı:
- Qosymsha platformalar men saıttar qurýǵa ınvestısıa salmaı-aq, eldiń barlyq múddeli azamattary úshin sizdiń onlaın-kýrstaryńyzdy ornalastyrý jáne ilgeriletý;
- Azamattardy, sondaı-aq jumyssyz adamdardy oqytý kezinde qosymsha tabys kózin alý múmkindigi.
Skills.enbek.kz portalynda tirkelý men ony paıdalaný boıynsha barlyq máseleler jóninde QR Eńbekmıni «ERDO» AQ jaýapty qyzmetkerlerimen baılanysýdy suraımyz:
- Aıbýldınova Aınur, telefon: 8 (7172) 95 43 17 (ish.405), 87059873477, elektrondyq poshta: a.aibuldinova@enbek.kz;
- Kapıtonova Dınara, telefondar: 8 (7172) 95 43 17 (ish.405), 87072503337, elektrondyq poshta: d.kapitonova@enbek.kz;
- Bıdahmetova Venera, telefondar: 8(7172) 95 43 17 (ish.405), 87789302101, elektrondyq poshta: v.bidakhmetova@ enbek.kz.