Ulttyq Bank keltirgen málimetterge zer salsaq, halyqaralyq qarjy aýdarymdary júıesi arqyly aqsha aýdarymdarynyń jıyntyq kólemi 21% - ǵa ósti, dep habarlaıdy Almaty-akshamy.kz
«Osy júıeler arqyly aqsha aýdarymdarynyń jıyntyq kólemi 2021 jyly 1,364 trln teńgeni qurady. Tranzaksıalar sany - 4,3 mln. 2020 jylmen salystyrǵanda, bul kórsetkishtiń 21%-ǵa ósýi baıqalady. Qazaqstannan shetelge aqsha aýdarý kólemi 28,3%-ǵa ulǵaıdy, shetelden Qazaqstanǵa aqsha aýdarý kólemi 1,2%-ǵa qysqardy», - delingen QR Ulttyq Bankiniń habarlamasynda.
Bul rette el ishindegi aqsha aýdarymdarynyń kólemi 35,4%-ǵa artyp, 70,4 mlrd teńgeni qurady.
2021 jyly Qazaqstannan shetelge HJT arqyly jiberilgen aqsha aýdarymdarynyń kólemi 1,010 trln teńgeni qurady. Shetelge aqsha aýdarymdarynyń negizgi úlesi Ózbekstanǵa (29,5%), Túrkıaǵa (20,9%), Reseı Federasıasyna (17,5%), Qyrǵyz Respýblıkasyna (14,3%) tıesili.
Mejeli kezeńde shetelden Qazaqstanǵa 283,5 mlrd teńge tústi.
Qazaqstanǵa aqsha aýdarymdary negizinen Reseı Federasıasynan (18,7%), Ózbekstannan (17,6%), Ońtústik Koreıadan (14,0%), Qyrǵyz Respýblıkasynan (12,0%) jáne AQSH-tan (11,8%) júzege asyryldy.
Qazirgi ýaqytta Qazaqstan aýmaǵynda halyqaralyq aqsha aýdarymdarynyń 8 júıesi jumys isteıdi. Olar: «Zolotaıa korona», «Vestern Iýnıon», «Iýnıstrım», Contact, Faster, MoneyGram jáne basqalar.