Arnaıy zań jobasyna ózgerister men tolyqtyrýlar engizdi.
Májilistiń jalpy otyrysynda «Geodezıa, kartografıa jáne keńistiktik derekter týraly» zań jobasy ekinshi oqylymda maquldandy, dep habarlaıdy Almaty-akshamy.kz QazAqparatqa silteme jasap.
«Zań jobasynyń mindeti – Qazaqstan Respýblıkasyn dáldigi joǵary geodezıalyq koordınattar júıesimen qamtamasyz etý jáne onyń aıasynda eldiń biryńǵaı sıfrlyq kartografıalyq negizin jasaý. Qujatta geodezıa jáne kartografıa salasyn jetildirýge baǵyttalǵan normalar eskerilgen», - dedi Májilis depýtaty Qudaıbergen Erjan.
Osy oraıda kórsetiletin qyzmetterdiń jedeldigi men sapasyn arttyrýǵa arnalǵan normalar qamtylyp otyr.
Zań jobasyn talqylaý kezinde depýtattar birqatar ózgerister men tolyqtyrýlar engizdi. Atap aıtqanda, uǵymdyq apparatty jańa anyqtamalarmen tolyqtyrýǵa, ýákiletti organnyń quzyretin naqtylaýǵa, geodezıalyq pýnktterdiń saqtalýyn qamtamasyz etýge, geodezıalyq jáne kartografıalyq qyzmet sýbektileri men Ulttyq keńistiktik derekter qory arasyndaǵy jaýapkershiliktiń arajigin ajyratýǵa baǵyttalǵan túzetýler engizildi. Geodezıalyq jáne kartografıalyq qyzmetti júzege asyrý qaǵıdattary, memlekettik baqylaýdy júrgizý tártibi naqtylandy. Zań jobasynyń jekelegen normalaryn qoldanysqa engizý merzimderi belgilendi.