Ýnıversıtetter ǵylymı kadrlardyń qaınar kózine aınalýy tıis.
Ǵylym jáne joǵary bilim mınıstri Saıasat Nurbek Qazaqstanda ǵylymı kadrlardyń jetispeýshiligi týraly aıtty, dep habarlaıdy Almaty-akshamy.kz
«Qazir bizde ǵylymı kadrlar jetispeıdi. Táýelsizdiktiń basynda 52 myńǵa jýyq ǵalym bolsa, 35 myń ǵylymı qyzmetkerden aıyryldyq. Qazir ǵylymı-zertteý ınstıtýttary men ýnıversıtetter bazasynda 22 myń ǵylymı qyzmetker jumys isteıdi. Bizdiń endigi mindetimiz - jastardy ǵylymǵa tartý, - dedi mınıstr.
Saıasat Nurbek ǵylymdy qarjylandyrýdyń formattary men úlgilerin qaıta qaraý týraly da aıtty.
«Biz ǵylymǵa aqsha jumsaımyz. Ulttyq keńester arqyly granttar uıymdastyramyz. Biraq negizgi suraq: osy ǵylymı granttardyń barlyǵynyń nátıjesi qandaı? Bul jerdegi negizgi reforma bul - bizdiń ǵylymnyń barynsha qoldanbaly sıpaty. Kez kelgen ǵylymı zertteý naqty máseleni sheshýi kerek», - dep túsindirdi ol.