«Qazaqstanda energıa tapshylyǵy qazirdiń ózinde 1,3 gıgavatty qurap otyr, al 2030 jylǵa qaraı bul kórsetkish 3 gıgavatqa deıin ósýi múmkin», – deıdi ǵalymdar.
Beıbit atomdy paıdalanýdyń artyqshylyqtaryn talqylaǵan mamandar atom elektr stansıalarynyń mańyzdylyǵyn atap ótti. Bul energıa kózderi «jasyl» tehnologıa retinde de qarastyrylady.
Ál-Farabı atyndaǵy Qazaq ulttyq ýnıversıtetiniń Teorıalyq jáne ıadrolyq fızıka kafedrasynyń profesory Fedor Penkovtyń aıtýynsha, atom energetıkasy Qazaqstan úshin asa mańyzdy másele bolyp otyr.
«Óıtkeni elimizde elektr energıasyn óndirýde negizinen kómir men gaz qoldanylady. Jyl saıyn atmosferaǵa 35 mıllıon tonnaǵa deıin kómirqyshqyl gazdary shyǵarylady, bul qorshaǵan ortaǵa edáýir zıan keltirýde», – deıdi ǵalymdar.