Arnaıy qujatqa qol qoıyldy.
Qazaqstan Úkimeti qujat áleýmettik turaqtylyqty qamtamasyz emý maqsatynda jáne ujymdyq eńbek daýlaryn tıimdi sheshýdiń mehanızmin engizý maqsatynda arnaıy qujatqa qol qoıdy, dep habarlaıdy Almaty-akshamy.kz.
«Búgin QR Indýstrıa jáne ınfraqurylymdyq damý mınıstrligi, Azamattyq avıasıa uıymdarynyń jumys berýshileri jáne «Qazaqstan temirjol, avtomobıl, áýe jáne sý kóligi jumyskerleriniń salalyq kásiptik odaǵy» qoǵamdyq birlestigi arasyndaǵy salalyq kelisimge qol qoıyldy. Úshjaqty kelisim 2022-2024 jyldarǵa arnalǵan áleýmettik-ekonomıkalyq máselelerdi qamtıdy», - delingen vedomstvo baspasóz qyzmetiniń habarlamasynda.
Atap aıtqanda, qujat áleýmettik turaqtylyqty qamtamasyz etýmen qatar, ujymdyq eńbek daýlaryn tıimdi sheshýdiń mehanızmin engizip, osy taraptaǵy mindettemelerdi iske asyrýǵa múmkindik beredi.
Sonymen qatar salalyq kelisim kólik salasyndaǵy eńbek, áleýmettik-ekonomıkalyq quqyqtar men múddelerdi qorǵaý jónindegi mindettemelerdi júzege asyrýǵa da yqpal etpek. Ózara kelisimnen týyndaıtyn erejeler taraptar úshin mindetti jáne ujymdyq sharttar jasasý kezinde olardy alyp tastaýǵa nemese azaıtýǵa bolmaıdy.
«Sala qyzmetkerleriniń eńbek, áleýmettik-ekonomıkalyq quqyqtary men zańdy múddelerin qorǵaýǵa baǵyttalǵan mańyzdy qujatty qabyldaýǵa qatysqan áleýmettik seriktesterge mınıstrlik atynan zor alǵysymdy bildiremin», – dedi QR Indýstrıa jáne ınfraqurylymdyq damý vıse-mınıstri Almaz Ydyrysov.