Túrkistan oblysynda «jasyl» týrızmdi damytý úshin demalys aımaqtaryna júktemeni teńdeı bólý kózdelgen, dep habarlaıdy Almaty-akshamy.kz. Sonymen qatar saıahatshylar kóp baratyn aýmaqtarda ekologıalyq aǵartý jumystary kúsheıtiledi.
Týrıser jıi keletin jerdiń biri – Saıram-Ógem ulttyq memlekettik tabıǵı parki. Qazir munda jańa týrısik baǵyttar ashylyp jatyr. Taza aýa, qaıtalanbas sulý tabıǵat. Sırek kezdesetin ań men qustar. Sońǵy ýaqytta elimizdiń ońtústik taýly aımaqtaryna saıahattaýshylar qatary artqan. Osyǵan oraı jańa týrısik baǵyttar ashyla bastady, -dep jazdy «Habar 24». Týrıserge baǵyt-baǵdardy otbasylyq jup Elena men Naıl kórsetedi. Olardyń Qazaqstannyń ǵajaıyp tabıǵatyn tanystyryp kele jatqanyna 15 jyl ótipti. Aıtýlarynsha, saıahatshylar tylsym tabıǵat aıasynda demalǵandy unatady. Ásirese órkenıetten tys, adam aıaǵy baspaǵan jerlerdi tańdaıdy. Demek jabaıy tabıǵat pen múlgigen tynyshtyqty qalaıdy.
- Ekotýrızm qatty damyp jatyr. Meniń oıymsha, qyzyǵýshylyq pandemıa kezinen bastaldy. Demalýshylar qatary kúnnen kúnge artyp keledi. Adamdar sulý tabıǵatty óz kózimen kórý úshin keledi. Qıyndyqtarǵa qaramaıdy. Kúrdeli, soqpaqty joldardy júrip ótedi,-deıdi ekskýrsıa jetekshisi Elena Belova.
Túrkistan oblysynda Saıram–Ógem ulttyq tabıǵı parki joǵary qyzyǵýshylyqqa ıe. Ol Batys Tán-SHan taýynyń soltústik–shyǵysynda ornalasqan. Byltyr osy jerge 69 myń adam saıahat qurǵan. Al bıyl taý bókterindegi ádemi jerdi kórýge asyqqandar sany budan da kóp. Tómengi Saıram kóli – ulttyq tabıǵı saıabaqtyń eń tanymal orynnyń biri. Biraq bul jerge jetý úshin týrıser 11 shaqyrymdyq buralmaly taý soqpaqtaryn jaıaý ótýi kerek. Bıyl týrısik baǵyttardy abattandyrý jumystary qolǵa alyndy. Adam aıaǵy kóbeıgen saıyn basqa da máseleler týyndaıtyny – aqıqat.
- Turmystyq qaldyqtar bar. Órt qaýpi týyndaıdy. Osyǵan baılanysty qoldanystaǵy zańnamaǵa kóptegen ózgerister engizildi. Ot jaǵýǵa qatań tyıym salynǵan. Baqylaý-ótkizý qosynda qaýipsizdik sharalary týraly ár adamǵa jeke túsindiriledi, -deıdi Saıram-Ógem ulttyq memlekettik tabıǵı parki bas dırektorynyń m.a. Shyńǵys Shúmenov.
- Biz kóptegen jyldar boıy erekshe qorǵalatyn tabıǵı aýmaqtardy jan-jaqty qoldaý jumystaryn júrgizip kelemiz. Sol jumystardyń biri – osy erekshe qorǵalatyn tabıǵı aýmaqtarda turaqty ekotýrızm jumysyna qoldaý kórsetý. Basqarý josparlaryn daıyndap, sol basqarý josparlarynyń aıasynda ekologıalyq týrızm boıynsha maqsattar, ındıkatorlar josparlaýdy kórsetip jáne pılottyq erekshe qorǵalatyn tabıǵı aýmaqtarǵa ekotýrızmdi damytý strategıasyn jasaýǵa ótken jyldary kómektestik,-deıdi Qazaqstandaǵy BUU Bıoalýantúrlilik salasyndaǵy jobalar menedjeri Merýert Sársembaeva.
Sonymen katar týrısik baǵdarlar Katonqaraǵaı ulttyq parki men «Kólsaı kólderinde» de jańartyldy. Qazaqstanda orman-taýlardyń, shól dala men kólderdiń bıologıalyq alýan túrliligin qamtıtyn 14 ulttyq park bar. Ekologıa jáne tabıǵı resýrstar mınıstrliginiń málimetine saı byltyr olardy tamashalaýǵa 2 mıllıonǵa jýyq týrıs kelgen. «Jasyl» týrızmdi damytýǵa keshendi–birkelki júkteme bólinedi. Sondaı-aq ekologıalyq aǵartý jumystaryn kúsheıtý kózdelip otyr. Ekskýrsıalar men joryqtar kezinde tabıǵatty qorǵaýdyń mańyzdylyǵy týraly aqparattar beriledi.