Shara aıasynda «Úzdik ekologıalyq bilim berý mekemesi», balalar arasynda sýǵa uqypty qaraý taqyrybynda sýret salý, «Jasyl Ýnıversıtet» (ekologıa jáne ornyqty damý salasyndaǵy ǵylymı jobalar men bilim berý baǵdarlamalary úshin), «Úzdik ekologıalyq startap joba» respýblıkalyq konkýrstarynyń jeńimpazdary marapattalady.
Estafetany elimizdiń óńirleri de qabyldaıdy. Aptalyq aıasynda qalalar men aýyldarda 200-ge jýyq túrli ekologıalyq is-sharalar ótedi. Sonyń ishinde «Taza aımaq», «Taza sý aıdyndary», «Taza beısenbi», «Kıeli meken», «Jasyl aımaq», «Móldir bulaq» jáne t. b. aýmaqtardy tazartý boıynsha aksıalar uıymdastyrylmaq.
Aptalyq jalpy respýblıkalyq senbilikpen aıaqtalady. Eldi mekenderdi kógaldandyrý boıynsha aýqymdy aksıa aıasynda 20 myń kóshet otyrǵyzý josparlanýda.
Qazirgi tańda «Taza Qazaqstan» ekologıalyq bastamasyna qatysýshylardyń sany 6 mıllıonnan asty, bul árbir úshinshi qazaqstandyq. Jalpy kúsh-jigermen 1,8 mln ga aýmaq tazartyláp, 1,1 mlntonna qoqys jınaldy, 1,6 mln astam jasyl jelek otyrǵyzyldy, 5 myńnan astam tarıhı-mádenı mura obektileri qalpyna keltirildi.
«Taza Qazaqstan» bastamasy aıasyndaǵy ekologıalyq is-sharalar turaqty negizde jalǵasyp, qatysýshylardyń sany artyp keledi. Onyń basty maqsaty – turaqty ekologıalyq mádenıet pen jaýapkershilikti qalyptastyrý, ekologıalyq saýattylyq deńgeıin arttyrý, sondaı-aq tabıǵı resýrstardy basqarýdyń zamanaýı tásilderin engizý.