Zań jobasy birinshi oqylymda maquldandy.
Búgin Májilistiń jalpy otyrysynda densaýlyq saqtaý máselesine arnalǵan zań jobasyn talqylaý kezinde Densaýlyq saqtaý mınıstri Ajar Ǵınıat medısına nemese farmasevtıka qyzmetkerlerine qatysty jazalaýdy jeńildetý usynylyp otyrǵanyn aıtty, dep habarlaıdy Almaty-akshamy.kz QazAqparatqa silteme jasap.
Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Zań jobasy aıasynda medısına nemese farmasevtıka qyzmetkerleriniń kásibı mindetterin tıisinshe oryndamaǵany úshin qylmystyq quqyq buzýshylyqtardy izgilendirý jáne Qylmystyq kodekstiń 317-babynyń sanksıalyq sharalaryn jeńildetý boıynsha normalar usynyldy. 2018-2020 jyldary jeke jáne zańdy tulǵalardan 14 123 ótinish tústi. Onyń ishinde Qylmystyq kodekstiń 317-baby boıynsha medısına qyzmetkerlerine qatysty kásibı mindetterin tıisinshe oryndamaǵany úshin jyl saıyn 300-ge jýyq is qozǵalady. Bul rette kóbinese hırýrgıalyq beıindegi mamandarǵa qatysty bolyp tur», - dedi Ajar Ǵınıat.
Onyń aıtýynsha, zań jobasynda densaýlyǵyna abaısyzda ortasha ári aýyr zıan keltirgeni úshin aıyppul mólsherin jáne qamaýǵa alý merzimin azaıtý eskerilgen. Naýqastyń densaýlyǵyna aýyr zıan keltirgende nemese qaıtys bolǵanda, jazanyń merzimderin qaıta qaraı otyryp, «bas bostandyǵynan aıyrý» jazasyn «bas bostandyǵyn shekteýge» aýystyrý usynylyp otyr.
«Budan buryn Densaýlyq saqtaý mınıstrligi medısınalyq qoǵamdastyqtyń pikirin eskere otyryp, jazany izgilendirýge birneshe ret áreket jasaǵan bolatyn», - dedi mınıstr.