Qazaqstanda CLAAS jáne HORSCH brendteriniń tehnıkasy jınalady
Ospanov pen TOO CT Assembly bas dırektory Murat Otarbaev Qazaqstan Respýblıkasynda CLAAS jáne HORSCH aýyl sharýashylyǵy tehnıkasyn qurastyrý boıynsha arnaıy ınvestısıalyq kelisimshartqa qol qoıdy, dep habarlady Almaty-akshamy.kz QR Indýstrıa jáne ınfraqurylymdyq damý mınıstrliginiń baspasóz qyzmetiniń habaryna silteme jasap.
Qol qoıý rásimine Qazaqstan Respýblıkasynyń Indýstrıa jáne ınfraqurylymdyq damý vıse-mınıstri Amanıaz Erjanov, EAEO-daǵy CLAAS óńirlik dırektory doktor Nıls Roıch jáne CT AGRO bas dırektory Iorg Foshepot qatysty.
Ýaǵdalastyqtarǵa sáıkes, CLAAS konserni men onyń Qazaqstandaǵy eksklúzıvti ımporttaýshysy – CT AGRO kompanıasy qurǵan TOO CT Assembly birlesken kásiporny Petropavldaǵy óndiristik alańda CLAAS jáne HORSCH aýyl sharýashylyǵy tehnıkasyn ónerkásiptik qurastyrýdyń bes jyly ishinde kezeń-kezeńmen jolǵa qoıý boıynsha mindettemelerdi ózine alady. Atap aıtqanda, Tucano 580, 450 jáne 430 modeldik qataryndaǵy CLAAS astyq jınaý kombaındaryn, CERIO destelegishteri men CLAAS XERION 4500 traktorlaryn, sondaı-aq HORSCH egis keshenderin shyǵarý týraly sóz bolyp otyr.
Kelisimshartty iske asyrýdyń birinshi jylynda óndiristik alań jumysynyń tetikterin jóndeý josparlanýda. Osy kezeńde 100 birlikke deıin Tucano kombaındaryn shyǵarý kózdelýde. Keıinnen taraptarmen kelisilgen kestege sáıkes aýyl sharýashylyǵy tehnıkasynyń árbir túri boıynsha ártúrli tehnologıalyq operasıalar kezeń-kezeńimen engiziletin bolady. Máselen, traktorlardy qurastyrýdy qamtamasyz etý úshin 2022 jyly aǵymdaǵy jyldyń qyrkúıek-qazan aılarynda xerion traktorlaryn shyǵarý boıynsha iske qosý-jóndeý jumystary belgilengen, sondaı-aq gıdravlıka qozǵaltqyshtary men júıelerine tehnıkalyq tekserý bastalady.
Keıingi jyldary Qazaqstan aýmaǵynda ónerkásiptik qurastyrý boıynsha oryndalatyn jumystardyń kólemi de, shyǵarylatyn aýyl sharýashylyǵy mashınalarynyń, atap aıtqanda, TUCANO astyq jınaý kombaındary men XERION traktorlarynyń sany da ósetin bolady.
Barlyq shyǵarylatyn tehnıka ónimniń Keden odaǵynyń qoldanystaǵy tehnıkalyq reglamentteriniń talaptaryna sáıkestigin rastaý úshin sertıfıkattaýdan ótedi jáne taýardyń shyǵý tegi sertıfıkatyn alady, sondaı-aq árbir ózdiginen júretin mashınaǵa jeke pasport beriledi. Mindettemelerdiń oryndalýyn baqylaý úshin kelisimmen Qazaqstan Respýblıkasy Indýstrıa jáne ınfraqurylymdyq damý mınıstrligi sarapshylarynyń jyl saıynǵy ınspeksıalyq tekserýler júrgizýi bekitildi.
«CLAAS kompanıasy Qazaqstan naryǵyna shamamen 30 jyl boıy qatysyp keledi jáne osy ýaqyt ishinde biz el agrarılerimen yntymaqtastyqtyń aýqymy men formatyn dáıekti túrde keńeıttik. AIK - qa qol qoıý osy damýdyń mańyzdy kezeńi bolyp tabylady jáne Biz ashylyp jatqan jańa múmkindikter CLAAS brendiniń elimizdiń agroónerkásiptik keshenin tabysty damytýǵa qosqan úlesin budan da salmaqty etedi dep úmittenemiz», - dep atap ótti CLAAS-tyń EAEO-daǵy óńirlik dırektory, doktor Nıls Roıch.
«Arnaıy ınvestısıalyq kelisimshartqa qol qoıý Qazaqstannyń agrarshylary úshin jańa perspektıvalar ashady, óıtkeni olar osy kelisimniń arqasynda aıtarlyqtaı artyqshylyqtarǵa ıe bolady, atap aıtqanda, birqatar salyqtyq jeńildikter men memlekettik qarjylandyrýǵa qol jetkizedi. Osylaısha, biz klıentterimiz ben seriktesterimizdi qazirgi zamanǵy ónimdiligi joǵary tehnıkamen qamtamasyz etýge umtylatyn kompanıa retinde jetkizý merzimderin qysqartyp, olardyń kólemin ulǵaıta alamyz, al eń bastysy, Qazaqstandaǵy aýyl sharýashylyǵy bıznesiniń rentabeldiligin arttyrýǵa taǵy bir eleýli úles qosatyn qarjylyq jaǵdaılardy usyna alamy», - dep túsindirdi Ct AGRO bas dırektory Iorg Foshepot.
CLAAS týraly
Fırma CLAAS (www.claas.com) 1913 jyly otbasylyq kásiporyn retinde quryldy jáne qazir álemdegi aýylsharýashylyq tehnıkalaryn óndirýshilerdiń biri bolyp tabylady. Vestfalıa harzevınkel qalasynda bas keńsesi bar kásiporyn astyq jınaý kombaındary naryǵynda eýropalyq kóshbasshy bolyp tabylady. CLAAS kompanıasy ózi júretin jemshóp jınaıtyn kombaındar salasynda álemdik kóshbasshylyqty saqtaıdy. Aýylsharýashylyq tehnıkasynyń álemdik naryǵyndaǵy jetekshi oryndar traktorlar, sondaı-aq aýylsharýashylyq presteri men jemshóp tehnıkasy salasyndaǵy CLAAS kompanıasyna tıesili. Kompanıa assortımentine aýyl sharýashylyǵy salasyndaǵy eń zamanaýı aqparattyq tehnologıalar kiredi. Búgingi tańda búkil álemde CLAAS-ta 11000-nan astam qyzmetker jumys isteıdi. 2020 qarjy jylyndaǵy aınalym 4 mlrd eýrony qurady.
CT AGRO kompanıasy týraly
CT AGRO kompanıasy (ctagro.com), óziniń qurylǵan sátinen bastap 2000 jyly Qazaqstanda aýyl sharýashylyǵy tehnıkasyn jetkizý jáne servıstik qyzmet kórsetý salasynda senimdi seriktes bolyp tabylady. 2014 jyldan bastap CT AGRO Nıderlandydaǵy Royal Reesink tobyna kiredi. CT AGRO kompanıasynyń Qazaqstannyń barlyq óńirlerin qamtı otyryp, 13 fılıaly bar jáne CLAAS, HORSCH, Valley jáne t.b. joǵary sapaly tehnıkany satyp alý jáne olarǵa qyzmet kórsetýdiń barlyq máseleleri boıynsha birge júredi.