Aqpan aıynda Ortalyq depozıtarııdiń esepke alý júıesinde tirkelgen qosalqy shottardyń sany 293 myńnan asty.
Bul qańtar aıymen salystyrǵanda 30,8 %-ǵa artyq, dep habarlaıdy Almaty-akshamy.kz
Mysaly, 2021 jyldyń ekinshi jartyjyldyǵynda shottar sany nebári 18,9%-ǵa ósken. Qosalqy shottardyń kópshiligi jeke tulǵalarǵa arnaǵan. 1 aqpannan beri olardyń sany 69 myńǵa kóbeıgen.
«Jeke klıentterdiń bazasyn ulǵaıtý úshin brokerler sıfrlandyrý quraldaryn belsendi túrde paıdalanýda. Bul quraldar bıometrıalyq derekterdi paıdalana otyryp, klıentterdi qashyqtan sáıkestendirýge jáne olar úshin onlaın rejimde, sonyń ishinde basqa uıymdardyń derekqorlarymen biriktirý arqyly jeke shot ashýǵa múmkindik beredi», - dep túsindiredi Ortalyq depozıtarııdiń basqarma tóraǵasy Ádil Muhamedjanov.
Aıta ketsek, keıingi aılarda 18-24 jas aralyǵyndaǵy brokerlik shot ıeleriniń sany eki esege ósip, 50 myńnan asty. Aqpan aıynda jas ınvestorlardyń úlesi 17,8%-dy quraǵan. Bul qańtar aıymen salystyrǵanda 6,5%-ǵa artyq.
Kámeletke tolmaǵandardyń atyna ashylǵan deldaldyq shottar da bar, alaıda olardyń úlesi áli de 0,1%-dan aspaıdy.