Elimizde bilim berý uıymdaryn memlekettik atestattaý formaty ózgerip keledi.
Endi atestattaý baqylaý sharasy emes, bilim berý sapasy men qoljetimdiligin keshendi baǵalaý retinde júzege asyrylady. Tıisti ózgerister zańnamalyq deńgeıde bekitildi, dep habarlaıdy Aqshamnews.kz
«Qazaqstan Respýblıkasynyń keıbir zańnamalyq aktilerine mádenıet, bilim berý, otbasy jáne memlekettik baqylaý máseleleri boıynsha ózgerister men tolyqtyrýlar engizý týraly» Zańǵa sáıkes memlekettik baqylaý fýnksıalary men bilim berý uıymdarynyń qyzmetin baǵalaý tetikterin ajyratý maqsatynda memlekettik attestasıaǵa qatysty normalar qaıta naqtylanyp, «Bilim týraly» Zańǵa ózgerister engizildi.
«Bilim berý uıymdaryn atestattaý – bilim sapasy men qoljetimdiligin baǵalaýǵa, sondaı-aq memlekettik jalpyǵa mindetti standart talaptaryna sáıkestigin aıqyndaýǵa baǵyttalýda. Mundaǵy maqsat bilim berý uıymdarynyń jumys tıimdiligin arttyrý men oqý prosesin jetildirý bolyp tabylady», – deıdi Bilim salasynda sapany qamtamasyz etý komıtetiniń tórǵasy Serik Áshirov.
Aıta keteıik, jyl basynan beri Oqý-aǵartý mınıstrliginiń Bilim salasynda sapany qamtamasyz etý komıtetiniń aýmaqtyq departamentterimen 2700 bilim berý uıymy memlekettik atestattaýdan ótti.