Maskat Koroldík opera teatrynda Rolan Petıdíń «Koppelıya» baletí sahnalandy. Oman tarapynyń arnaıy shaqyruymen barǵan «Astana Opera» teatry kórermenge joǵary deńgeıdegí kásíbı oryndaushylyq sheberlígín pash ettí.
Ekí kún íshínde balettí ekí myńnan astam kórermen tamashalady. Maestro Ruslan Baımurzın jetekshílík etken orkestr qoıylymnyń dramaturgıyasyn tereńdetíp, áserlí muzykalyq atmosfera qalyptastyrdy.
Omandyq ónersúıer qauym men sheteldík meımandar qazaqstandyq truppanyń ónerín zor yqylaspen qabyldady. Olar oryndaushylyqtyń dáldígín, artıstterdíń aıqyn obraz jasauyn, ansambldíń mínsíz úılesímín erekshe atap óttí. Maskattyq kórermenderdíń bírí qoıylymdy «sırek kezdesetín plastıka men joǵary kásíbı sheberlíktíń úılesuí» dep baǵalap, jetekshí solısterdíń oıyn-órnegí «tolyqqandy úılesím áserín syılaǵanyn» jetkízdí.
Gastrolderdíń tabysty ótuíne balet truppasynyń kórkemdík jetekshísí Altynaı Asylmūratovanyń eńbegí aıryqsha úles qosty. Pedagogtar men repetıtorlardyń júıelí daıyndyǵynyń arqasynda «Astana Opera» ózíníń oryndaushylyq mektebín qalyptastyryp qana qoımaı, repertuarlyq sayasatynda bıík kásíbı talap pen bírízdílíktí tūraqty túrde ūstanyp keledí.