«QazAvtoJol «UK» AQ, óńirlerdegi ákimdikter jáne basqa da múddeli uıymdardyń qatysýymen onlaın formatta ótken keńeste Kólik mınıstrliginiń basshysy 2024-2026 jyldary iske asyryla bastaǵan respýblıkalyq jáne jergilikti avtomobıl joldarynyń ýchaskelerin salý, rekonstrýksıalaý jáne kúrdeli jóndeýdiń birinshi kezektegi jobalarynyń tizimin jarıalady, dep habarlaıdy Almaty-akshamy.kz.
«Memleket basshysynyń tapsyrmasyna sáıkes elimizdiń avtojol salasyn damytý sheńberinde 4,7 myń shaqyrym respýblıkalyq jeli boıynsha basymdyq berilgen jobalar aıqyndaldy, onda halyqaralyq qarjy ınstıtýttary esebinen qarjylandyrý kózderi pysyqtalyp jatyr», dedi Marat Qarabaev basymdyq berilgen avtojol jobalarynyń josparlaryn qaraý barysynda.
Usynylǵan aqparatqa sáıkes, 2024 jyly respýblıkalyq joldar jelisinde Aqtóbe-Ulǵaısyn-Qyzylorda (İ tehnıkalyq sanat), Qaraǵandy-Jezqazǵan (I, II sanat), «Saryaǵash qalasyn aınalyp ótý» (İ sanat) jobalaryn bastaý josparlanyp otyr. 2025-2026 jyldarǵa Atyraý-Dossor (İ sanat) jáne Astana-Qostanaı-Reseı Federasıasynyń shekarasy (İ sanat) jobalary josparlanǵan. Al 2026 jylǵa Pavlodar-RF shekarasy (İİ sanat), Semeı-Reseı Federasıasynyń shekarasy (Barnaýylda (İİ sanat), Atyraý-Oral (İ sanat), Beıneý-SHalqar-Yrǵyz (İİ sanat), Jańaózen-Kendirli tasjoly (İİ sanat), «Shymkent qalasyn aınalyp ótý» (İ sanat), Almaty-Talǵar-Báıdibek bı (İ sanat) jáne Almaty-Úshqońyr (İ sanat) ýchaskeleri josparlanǵan.
Sonymen qatar mınıstr eldiń ishki jáne syrtqy kólik-logıstıkalyq áleýetin damytýdyń tolyq áserin qamtamasyz etý úshin jergilikti mańyzy bar basym jobalardy aıqyndaý jáne iske asyrý talap etiletinin atap ótti. Osyǵan baılanysty ákimdikterdiń usynǵan derekteri boıynsha mınıstrlik óńirler bólinisinde avtomobıl joldarynyń basym jobalarynyń tizimin jasady.
Atalǵan josparǵa ýaqtyly iske asyrýdy talap etetin jalpy uzyndyǵy 4,3 myń shaqyrymdy quraıtyn 95 ýchaske engizildi. Onyń 50 – İ respýblıkalyq jeliniń joldaryna (1,4 myń km), al 45-i jergilikti joldarǵa (2,9 myń km) qatysty. Bul jobalarǵa 2,2 trln teńge kóleminde qarjylandyrý qajet.
«Jobalardy tolyqqandy iske asyrý jáne respýblıkalyq búdjetke túsetin júktemeni azaıtý úshin mınıstrlik Eýrazıalyq damý banki ınvestısıalaryn tartý esebinen osy jobalardy qarjylandyrý tetigin pysyqtap jatyr», dep tolyqtyrdy vedomstvo basshysy.
M.Qarabaev ýákiletti jáne múddeli memlekettik uıymdar josparlanyp otyrǵan jol ýchaskelerine kiretin jerlerdi ýaqtyly rezervteý jáne bólý úrdisterin resimdeý, sondaı-aq tehnıkalyq-ekonomıkalyq negizdeme men jobalaý smetalyq qujattamany sapaly ázirleý ári qoldanystaǵy qurylys karerlerimen qamtamasyz etý máselelerin turaqty baqylaýǵa alýy tıis ekenin atap ótti.