Almaty aýdandarynyń ákimderi kópbalaly analarmen kezdesýler ótkizdi

 Almaty qalasynyń ákimi bekitken kestege sáıkes, 2023 jyldyń qazan aıynda aýdan ákimderi kópbalaly analarmen 8 kezdesý ótkizdi.

Kezdesýge barlyǵy 83 kópbalaly ana keldi. Kezdesý barysynda 91 suraq kóterildi, dep habarlaıdy Almaty-akshamy.kz.

Onyń 57-i boıynsha túsiniktemeler berildi, kezdesýlerden keıin 20 suraq pysyqtaldy, qaralyp jatqany – 14.

Kópbalaly analardyń negizgi máseleleri:

• turǵyn úı alý tártibi (kezekke qoıý) - 17 (19%);


• bilim (balalardy mektepke jáne balabaqshaǵa ornalastyrý, mektep formasy, «Art.sport») – 16 (18%);


• densaýlyq saqtaý-5 (5%);


• áleýmettik járdemaqylar (AÁK, azyq – túlik jıyntyqtary) - 11 (13%);


• TKSH jáne abattandyrý (gaz qosý, sýmen jabdyqtaý jáne sý burý) - 4 (4%);


• jumysqa ornalastyrý jáne bızneske arnalǵan granttar-3 (3%);


• basqa máseleler-35 (38%).

Qala ákimi aýdan ákimderimen jáne Almaty qalasynyń jumyspen qamtý jáne áleýmettik baǵdarlamalar basqarmasymen kelisilgen 2023 jylǵy qarashaǵa aýdan ákimderiniń qalanyń kópbalaly analarymen kezdesýleriniń tıisti kestesin bekitti.

Eske salsaq, buǵan deıin kóptegen ótinishterge baılanysty Almaty qalasynyń ákimi Erbolat Dosaev aýdan ákimderiniń kópbalaly analarmen aı saıynǵy kezdesýlerin uıymdastyrýdy tapsyrǵan bolatyn.

Aýdan ákimderiniń 2023 jyldyń qarasha aıynda kópbalaly analarmen kezdesýleriniń kestesi: