Úıdi jalǵa alý da qymbat.
Qazaqstanda baspana baǵasy ósip jatyr. Ótken jylmen salystyrǵanda jańa turǵyn úılerdi satý 19,3% ósken, dep habarlaıdy Almaty- akshamy.kz.
Ulttyq statısıka búrosynyń málimetinshe, bir jylda qoldanystaǵy páterlerdi qaıta satý baǵasy 27,9%, jańa turǵyn úılerdi satý 19,3% ósken. Abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 2022 jylǵy mamyrda 22,8% artqan.
Ulttyq statısıka búrosynyń Baǵa statısıkasy departamentiniń dırektory Qýanyshbek Jaqypbekulynyń aıtýynsha, óńirlik bóliniste jańa turǵyn úıdiń sharshy metri jyldyq mánde aıtarlyqtaı Nur-Sultan qalasynda qymbattady – 27,2%-ǵa.
«Turǵyn úıdiń qaıta satý naryǵyndaǵy joǵary ósim Taldyqorǵan qalasynda (48,6%), turǵyn úıdi jalǵa berý naryǵyndaǵy kóshti Almaty qalasy bastap tur (49,9%)», – dep atap ótti Qýanyshbek Jaqypbekuly.
Bir aıdyń ishinde, ıaǵnı osy jyldyń mamyry men sáýir aıynda jańa turǵyn úıdi satý baǵalary 1,7%, páterlerdi qaıta satý 1%-ǵa ósti. Abattandyrylǵan turǵyn úıdi jalǵa alý tólemi aldyńǵy aımen salystyrǵanda mamyrda 1,3% joǵarylady.