Ata-analar Egov.kz portaly nemese ekinshi deńgeıli bankterdiń mobıldi qosymshalary arqyly balany kezekke qoıý úshin birden 4 balabaqshaǵa deıin tańdap, keıin onlaın berilgen ótinishtiń mártebesin baqylaı alady. Balabaqshalardyń birinde oryn bola qalǵan jaǵdaıda dereý ata-anaǵa habarlanady, dep habarlaıdy almaty-akshamy.kz
Jalpy balabaqsha tańdaýdan bastap, kelisimshart jasasýǵa deıingi barlyq rásim elektrondy formatta ótedi.
Biryńǵaı derekter bazasy mektepke deıingi uıymdarda oryndardy bólýdiń tolyq ashyqtyǵyn qamtamasyz etý úshin jasalmaq. Úkimet bul júıe balabaqshalardaǵy qosarlanǵan kezekti jáne sybaılas jemqorlyq táýekelderin joıady dep úmittenip otyr.
Búldirshinniń densaýlyǵy týraly qajetti qujattar densaýlyq saqtaý mınıstrliginiń derekter bazasynan avtomatty túrde alynady. Kelisimshart qol qoıýǵa jáne balany balabaqshaǵa tirkeý úshin ata-analarǵa onlaın rejımde joldanady.
Qazaq tilinen emtıhan
2024 jyly 5-8 jáne 10-synyp oqýshylary qazaq tilinen emtıhan tapsyrady. Bul ózgerister 2023-2024 oqý jylynan bastap engizilgen, ıaǵnı mamyr aıynda balalardyń qazaq tilinen bilimi tekseriledi.
Emtıhan jazbasha jáne aýyzsha ótedi. Tyńdaý, sóıleý, oqý jáne jazý sıaqty daǵdylar baǵalanady. Emtıhan tapsyrmalaryn muǵalimder akademıalyq adaldyq qaǵıdattaryn saqtaı otyryp ózderi qurastyrady.
Qazaq tili páninen qorytyndy baǵa emtıhan jáne jyldyq baǵalaý nátıjesi boıynsha qoıylady.
Buǵan deıin qazaq tilinen emtıhandy 9 jáne 11-synyp oqýshylary ǵana tapsyratyn.