Qazaqstanda avtogaz 4-6 teńge qymbattaıdy, - dep habarlaıdy Almaty-akshamy.kz Kolesa.kz saıtyna silteme jasap.
Saıt málimetinshe, oǵan gazdyń kóterme baǵasy men tasymal quny óskeni sebep boldy.
- Astana qalasy, Aqmola, Qostanaı, Qaraǵandy, Abaı, Jetisý, Ulytaý jáne Shyǵys Qazaqstan oblystarynda - 70–76 teńge;
- Almaty qalasy, Almaty oblysy, Soltústik Qazaqstan oblysynda - 75–81 teńge;
- Aqtóbe, Atyraý, Mańǵystaý oblysynda - 50–54 teńgege deıin;
- Shymkent, BQO, Qyzylorda, Túrkistan oblysynda - 60–64 teńge;
- Jambyl oblysynda - 65–71 teńge;
- Pavlodar oblysy - 70–74 teńge.
Básekelestikti qorǵaý jáne damytý agenttigi buıryq jobasynda 2023 jylǵy 1 shildeden bastap elimizde suıytylǵan munaı gazynyń kóterme baǵasy 20 paıyz (33 600 teńgeden 40 320 teńgege) ósetinin atap ótken. Soǵan saı bólshek saýda baǵasyn 4 teńge kóterý qajet.
27 sáýirden bastap temirjol tarıfi 28 paıyz qymbattady. Sol úshin agenttik zaýyttan shalǵaı óńirlerde joǵarydaǵy 4 teńgege taǵy 2 teńge qosyp, beketterdegi gaz baǵasyn birden 6 teńge kóterýdi usynyp otyr.
Qujat jobasynda bólshek saýda baǵasy naqty qashan ósetini jazylmapty, biraq alǵash jarıalanǵan kúninen bastap kúshine enedi eken. Kóterme baǵa 1 shildeden bastap ózgeretinin eskersek, beketterdegi bólshek baǵa da sol kúni ósetin shyǵar.
Bıyl sáýirde Energetıka mınıstrligi gaz quny benzın baǵasynyń 70 paıyzyna jetýi kerek ekenin aıtqan. Osydan keıin Almaty qalasy, SHQO, SQO, Almaty jáne Abaı oblystarynda baǵa ózgerdi. Endi beketterde kógildir otyn taǵy qymbattaıdy.