Bul sońǵy on jyldaǵy eń joǵary kórsetkish.
Byltyr elimizde aýyr jumyspen aınalysatyn 102,7 myń adam bolǵan, dep habarlaıdy Almaty-akshamy.kz
Bul 9 myń adamǵa artqan nemese bir jyl burynǵydan 9,6% joǵary. Kórsetkish birtindep artyp keledi. Eń tómengi kórsetkishi 2014 jyly tirkelgen – 76,3 myń adam. Sodan beri olardyń sany 21,8 myń adamǵa nemese 34,6% ósti.
Aýyr jumyspen aınalysatyn qazaqstandyqtardyń jartysyna jýyǵy ónerkásipte (55,4 myń adam) shoǵyrlanǵan. Olardyń jalpy sanynda metal rýdalaryn óndiretinder (15,4 myń adam), sonymen qatar metalýrgıa ónimderin óndirýge qatysatyndar (6,5 myń adam) basym. Bul rette 1,9 myń adam kómir, 1,3 myń adam munaı men gaz óndirý salasynda eńbek etedi.
2022 jyly barlyǵy 1 mln 671,1 myń adam zıandy jáne qolaısyz eńbek jaǵdaıynda jumys istegen. Bul kórsetkish segiz jyl boıy ózgergen joq.