Eksporttaýǵa tolyq tyıym bolmaıdy.
Qazaqstannyń Aýyl sharýashylyǵy mınıstrligi eki aı merzimge bıdaı (1 mln tonna) men un (300 myń tonna) eksportyna kvota engizý pozısıasynda qalyp otyr. ASHM basshysy Erbol Qarashókeev respýblıkada astyqtyń jetkilikti qory bar ekenin taǵy da rastady, dep haarlaıdy Almaty-akshamy.kz Eldala.kz silteme jasap.
«Un tartýshylar men aýyl sharýashylyǵy óndirýshileri astyqtyń qandaı baǵamen satylatyny jáne un tartatyn kásiporyndar ony qandaı baǵamen satyp alatyny týraly kelise almaýda. Bul kólemniń negizgi bóligi - 80% eksportqa ketedi. Bul jerde ASHM tóreshi qyzmetin atqarady, biz eshkimniń jaǵyna turmaımyz. Olardyń árqaısysy óz bıznesin júrgizýde», - dedi Erbol Qarashókeev. Onyń sózin Premer-Mınıstrdiń baspasóz qyzmeti dáıektendiredi.
Mınıstr un tartýshylardyń astyq tapshylyǵy týraly jáne jaqyn arada dıirmender toqtaýy múmkin degen málimdemesine osylaı túsinikteme berdi.
Aýyl sharýashylyǵy mınıstrliginiń derekteri boıynsha, qazirgi ýaqytta Qazaqstanda astyq qory 6,4 mln tonnany qurasa, un 100 myń tonnadan astam. Sońǵy ýaqytta qazaqstandyq astyqqa suranys kúrt ósti jáne dúrbeleńge jol bermeý úshin sandyq shekteýler engizilýde. Bul rette, Qarashókeevtiń pikirinshe, belgilengen kvotalar «naryqtardy joǵaltpaý úshin jetkilikti».
«Un baǵasy turaqty, ósip jatqan joq. Osyǵan baılanysty biz daý-damaılar qazaqstandyqtardyń múddelerine nuqsan keltirmeıinshe, dál sol sátke deıin qadaǵalaıtyn bolamyz. Qazirgi ýaqytta jalpy baǵany taba almaıtyn un tartýshylar men óndirýshilerdiń jaǵdaıyna qatysty tolqýdyń eshqandaı qatysy joq. Un baǵasy turaqty. Sonymen qatar, biz arzandatylǵan áleýmettik nandy naryqqa jetkizý úshin arzandatylǵan bıdaıdy da jetkizemiz... Bul qaqtyǵys ishindegi baǵaǵa áser etpeıdi. Onyń ústine, halyqtyń áleýmettik osal toptary úshin bul baǵany ustap turýdyń tıimdi quraldary bar», — dedi Erbol Qarashókeev.