Qazaqstandyq joǵary oqý oryndarynda oqıtyn sheteldik stýdentterdiń sany 30 myńǵa jetti
Ásirese, alys shetelden kelgen bilim alýshylardyń sany artqan, dep habarlaıdy Almaty-akshamy.kz QazAqparatqa silteme jasap.
Azamattary Qazaqstanǵa bilim alý maqsatynda keletin memleketterdiń geografıasy aıtarlyqtaı keńeıdi: AQSH, Afrıka, Reseı, sondaı-aq Taıaý Shyǵys elderinen kelgen stýdentter sanynyń ósimi baıqalady. Jalpy, bilim alýshylardyń basym bóligi (64%) TMD elderinen kelgen.
«Qazaqstandyq ýnıversıtetter túrli halyqaralyq bilim berý kórmelerine belsendi qatysýda. Máselen, osy jyldyń qarasha aıynda Bishkek (Qyrǵyzstan) jáne Tashkent (Ózbekstan) qalalarynda «Qazaqstannyń bilim kúnderi» uıymdastyryldy. Osylaısha, ózge elderdiń azamattary bizdiń joǵary oqý oryndarymyz týraly biletin bolady. Sonymen qatar ýnıversıtetterimiz sheteldik stýdentterge arnaıy bilim granttaryn bóledi», – dep atap ótti QR BǴM joǵary jáne joǵary oqý ornynan keıingi bilim departamentiniń dırektory Ádilet Toıbaev.