Baıqaýdyń maqsaty – balalar ádebıetin damytýmen qatar qazaqstandyq balalar ádebıeti jazýshylaryna qoldaý kórsetý.
Elimizde «Altyn saqa» balalar ádebıeti shyǵarmalarynyń respýblıkalyq baıqaýy ótedi, dep habarlaıdy Almaty-akshamy.kz Egemen.kz silteme jasap..
Baıqaý Memleket basshysy Qasym-Jomart Toqaev jarıalaǵan Balalar jyly aıasynda «Qazaqstandyq qoǵamdyq damý ınstıtýty» KeAQ, «Qazaqstan Jazýshylar odaǵy» RQB, sondaı-aq QR Aqparat jáne qoǵamdyq damý mınıstrliginiń qoldaýymen uıymdastyrylýda.
Búginde balalardyń oılaý, túsiný qabiletine, talǵamyna, arman-qıalyna áser etip, balalardy ózine tartatyn kórkem shyǵarmalar úlken suranysqa ıe ekeni belgili. Qazaq tilinde balalar ádebıeti baǵyty boıynsha jańa esimder joqtyń qasy. Sondyqtan balalarǵa arnap qalam terbeıtin jazýshylardyń yntasyn arttyryp, óskeleń urpaqty adamgershilikke, otansúıgishtikke baýlý - ózekti máselelerdiń biri.
Osy oraıda elimizde «Altyn saqa» balalar ádebıeti shyǵarmalarynyń respýblıkalyq baıqaýy bastaý aldy.
Baıqaýǵa qazaq ádebıetine úles qosyp júrgen jáne shyǵarmalarymen tanylyp kele jatqan 18-35 jas aralyǵyndaǵy qalamgerler qatysa alady.
Baıqaýǵa qatysýshylar erkin taqyrypta proza janry boıynsha 2 baǵytta baq synaıdy:
- Ertegiler (bastaýysh jáne orta býyn mektep oqýshylaryna arnalǵan);
- Shaǵyn áńgimeler (jasóspirimderge arnalǵan).
Baıqaýǵa qatysýshy úmitkerler ózderiniń shyǵarmalaryn jáne jeke málimetterin toltyryp, «Altyn saqa» balalar ádebıeti shyǵarmalary baıqaýyna» taqyrybymen saqa01@gmail.com, altyn.saqa01@mail.ru, balalarbaikaui@gmail.com elektrondy poshtalaryna 2022 jylǵy 19 tamyzǵa deıin joldaýy qajet. Shyǵarmalar 2022 jylǵy 31 tamyzǵa deıin qazylar alqasynyń saraptamasynan ótedi. Baıqaý qorytyndysy qyrkúıekte jarıalanady.
Aıta ketsek, baıqaý qorytyndysy retinde 2 baǵyt boıynsha jınaqtalǵan barlyq shyǵarmalar iriktelip, 2022 jylǵy qarasha aıynda jınaq bolyp basylyp shyǵady.
Shyǵarmalarǵa qoıylatyn talaptar:
- Bir qatysýshy baıqaýdyń eki baǵyty boıynsha qatysa alady.
- Merziminen keshiktirilgen shyǵarmalar saraptaýǵa jiberilmeıdi.
- Baıqaý jumystary MS Word formatynda Times New Roman qarpimen, 14 qarip mólsherinde 1,0 aralyqta terilip, 3-5 betten aspaýy kerek.
Qatysýshylarǵa qoıylatyn talaptar:
- Balalardy adamgershilikke, parasattylyqqa, otansúıgishtikke, sananyń ashyqtyǵy men ulttyq biregeılikti saqtaýǵa, sondaı-aq ana tilin jetik bilýge, ádebı sózdik qoryn baıytýǵa baǵyttalǵan shyǵarmalar bolýy qajet.
- Jasóspirimder men óskeleń urpaqqa qyzyq, zamanaýı ári ózekti taqyryptar boıynsha fantasıkalyq jáne shytyrman oqıǵalarǵa toly bilimge qushtarlyqqa, básekege qabilettilikke, pragmatızm qaǵıdattaryna súıengen shyǵarmalar, sonymen qatar, shyǵarmalarda súıispenshilik, meıirimdilik, qaıyrymdylyq, ómirlik maqsat, ádildik, eńbekqorlyq sekildi tereń oıly qundylyqtar nasıhattalýy tıis.
- Qoǵamnyń damýyna jańasha kózqaras qalyptastyratyn, zamanaýı tulǵanyń qabiletteri men daǵdylaryn kórsetetin, sondaı-aq jastardyń qyzyǵýshylyq týdyratyn kreatıv ıdeıalar jáne qazirgi sheteldik shyǵarmalarmen básekelese alatyn týyndylar bolýy tıis.
Baıqaýǵa proza janry boıynsha tómendegi baǵyttar boıynsha júlde taǵaıyndalady:
- «Ertegiler:
a) İ oryn – 300 myń teńge (bireý);
á) İİ oryn – 200 myń teńge (bireý);
b) İİİ oryn – 100 myń teńge (bireý);
v) Yntalandyrý syılyǵy – 50 myń teńge (beseý).
- «Shaǵyn áńgimeler»:
a) İ oryn – 300 myń teńge (bireý);
á) İİ oryn – 200 myń teńge (bireý);
b) İİİ oryn – 100 myń teńge (bireý);
v) Yntalandyrý syılyǵy – 50 myń teńge (beseý).