Qazaqstanda alǵash ret uryqtyń nesep shyǵarý júıesiniń týa bitken aqaýlaryn túzetý úshin jatyrishilik aralasý júrgizildi.
Operasıa sheteldik mamandardyń qatysýymen master-klass sheńberinde UMC klınıkasynyń bazasynda Ana men bala ulttyq ǵylymı ortalyǵynda ótkizildi, dep habarlaıdy almaty-akshamy.kz Densaýlyq saqtaý mınıstrligine silteme jasap.
Júktiliktiń 19-shy aptasynda áıelde uryqtyń damý aqaýy anyqtaldy. Prenataldyq konsılıým uryqtyń qýyǵyn jatyrishilik drenajdaý qajettiligi týraly sheshim qabyldady. Bul ókpe gıpoplazıasynyń aldyn alý jáne bolashaq náreste búıreginiń qalypty jumysyn saqtaý úshin qajet.
Operasıa sátti ótti. Pasıenttiń jaǵdaıy turaqty, uryqtyń damýyn dınamıkalyq baıqaý men baqylaý josparlanǵan.
Fetaldyq hırýrgıa - jańa týǵan nárestelerdiń ólimi men múgedektiginiń aldyn alý úshin jatyrishilik operasıalar men ınvazıvti aralasýlardy qamtıtyn medısınadaǵy jańa baǵyt. Mundaı emsharalar álemniń jetekshi medısınalyq ortalyqtarynda júzege asyrylady.
Endi mundaı jedel aralasýlar Ana men bala ulttyq ǵylymı ortalyǵynda júzege asyrylady, onda bul úshin barlyq jaǵdaı jasalǵan. Bolashaqta munda dıafragmalyq jaryqty, TTS sındromyn, segizkóz-quımyshaq teratomasyn jáne tıimdiligi álemdik klınıkalyq praktıkamen dáleldengen basqa da damý aqaýlaryn túzetý boıynsha operasıalar júrgizý josparlanýda.