Lýgovoı rels dánekerleý kásipornynda» uzyn relster 800 metrlik jelilerge dánekerlenedi
Alǵash ret Aqtóbe rels belaǵash zaýytynan (ARBZ) «Lýgovoı rels dánekerleý kásipornyna» otandyq óndiristegi 120 metrlik rels partıasy jetkizildi, dep habarlaıdy Almaty-akshamy.kz «Qazaqstan temir joly» ulttyq kompanıasyna silteme jasap.
Erekshe uzyndyqtaǵy bolat relsterdi tasymaldaý úshin kompanıa Qazaqstanda jasalǵan uzyn jyljymaly quramdy da arnaıy satyp aldy.
Aqtóbe rels belaǵash zaýyty buǵan deıin de temir jol relsterin jóndeýge 100 metrlik relsterdi jetkizgen. Ol kezde Reseıde jalǵa alynǵan 100 metrlik rels tasymaldaýshy vagondarmen dittegen jerine jetkizilip otyrǵan.
«Lýgovoı rels dánekerleý kásipornynda» uzyn relster 800 metrlik jelilerge dánekerlenedi. Olar joldy kúrdeli jóndeý kezinde paıdalanylady. Bul jol konstrýksıasynda túıispeler az. Sondyqtan olar jolaýshylar poıyzynyń kedergisiz qozǵalysyn jáne ýchaskelerdegi júk poıyzdarynyń jyldamdyǵyn arttyrýdy qamtamasyz etedi», - delingen habarlamada.
Kompanıa habarlaǵandaı, QTJ men ARBZ arasyndaǵy uzaq merzimdi kelisim boıynsha jyl saıyn magıstraldyq temirjol jelisin jańǵyrtý úshin 80 myń tonnaǵa jýyq rels ónimderi jetkiziledi.