"Samuryq-Qazyna" qory Memleket basshysy Qasym-Jomart Toqaevqa jańa jasandy ıntellekt júıesin – SKAI (Samruk-Kazyna Artificial Intelligence) tanystyrdy, - dep habarlaıdy aqshamnews.kz tilshisi.
Bul týraly "Samuryq-Qazyna" qorynyń baspasóz qyzmetiniń basshysy Kırıll Volkov málimdedi.
SKAI Qordyń Dırektorlar keńesine daýys berý quqyǵyna ıe sıfrlyq táýelsiz múshe retinde qosyldy. Bul – óńirdegi eń alǵashqy tájirıbe.
Jańa júıeniń tanystyrylymy Astanada ótken halyqaralyq Digital Bridge forýmynda ótti. SKAI-dyń negizgi maqsaty – korporatıv basqarýdyń ashyq bolýyn qamatamasyz etý men sapasyn arttyrý.
Neırojúıe 2008 jyldan bergi Dırektorlar keńesiniń sheshimderin, ishki jáne syrtqy qujattardy, Qor jınaqtaǵan barlyq materıaldy taldaı alady.
"Qaýipsizdikke erekshe mán berilgen: SKAI derekterdi el aýmaǵynan shyǵarmaı, "Qazaqtelekomnyń" Al Farabium atty ekinshi qazaqstandyq sýperkompúterinde jumys isteıdi. Bul – taldaýdyń jyldamdyǵy men senimdiligin qamtamasyz etedi. Júıeniń negizine qazaqstandyq Alem LLM tildik modeli alynǵan", - dedi Volkov.