Jelide qoǵamdyq orynda aıaǵyn jýyp, dáret alǵan er adamnyń vıdeosy tarady. QMDB er adamnyń áreketine pikir bildirdi, - dep habarlaıdy Aqshamnews.kz tilshisi.
Vıdeoda er adam dáret alyp, qol jýǵyshqa aıaǵyn jýǵany beınelengen. Jeli qoldanýshylarynyń biri onyń bul áreketine narazylyq týdyrsa, endi biri qoǵamdyq oryndardy dáret alatyn arnaıy orynnynń bolmaýyn jazǵan.
Qazaqstan musylmandary dinı basqarmasy arnaıy dáret alý oryndaryn qarastyrý keregin alǵa tartty, bul qoǵamdaǵy túsinispeýshilikti azaıtady.
"Qazaqstan musylmandary Dinı basqarmasy senýshilerdi qorshaǵan ortamyzdy qurmetteýge, dinı rásimderdi oryndaý kezinde erekshe uqyptylyq tanytýǵa jáne tazalyqty saqtaýǵa shaqyrady. Dáret alý arnaıy bólingen jerlerde, onyń ishinde namazhanalardyń janynda ǵana oryndalýy tıis. Mundaı tásil aınaladaǵy adamdarǵa degen qurmetti kórsetedi jáne musylmandardyń joǵary mádenıettiligin saqtaýǵa kómektesedi. Sonymen qatar, bizge kóptegen namazhana bar jerlerde dáret alýǵa arnalǵan arnaıy oryndardyń joǵy belgili. Osyǵan oraı, halyqtyń basym bóligin quraıtyn musylman qaýymynyń ótinishterin eskere otyryp, Qazaqstan musylmandary Dinı basqarmasy saýda oıyn-saýyq ortalyqtarynyń basshylaryna namazhanalary bar ǵımarattarda arnaıy dáret alý qurylǵylaryn ornatýdy qarastyrýǵa úndeıdi", - delingen jaýapta.