Búgin elimizde osy másele daýysqa salynyp jatyr.
Daýys berý barysyn 14 memlekettiń ortalyq saılaý organdarynyń ókilderi, sonyń ishinde Ázirbaıjan, Belarýs, Tájikstan jáne Ózbekstan ortalyq saılaý organdarynyń tóraǵalary da baqylap otyr, dep habarlaıdy aqshamnews.kz
Referendýmǵa 30 shet memleket pen tórt halyqaralyq uıymnyń (Táýelsiz Memleketter Dostastyǵy, Shanhaı yntymaqtastyq uıymy, Túrki memleketteri uıymy, Azıadaǵy ózara is-qımyl jáne senim sharalary jónindegi keńes) atynan 177 baıqaýshy qatysady.
Qazaqstan Respýblıkasynyń Syrtqy ister mınıstrligi 37 elden 200 sheteldik jýrnalıserdi akkredıttedi, olar da respýblıkalyq referendýmdy baqylap, aqparat taratady.
El úshin mańyzdy saıası naýqanǵa Memleket basshysynyń ózi bastap qatysty.
Prezıdent oń sheshim shyqqan jaǵdaıda Qazaqstan úkimeti arnaıy saraptama júrgizetinin aıtty.
“Bul kúrdeli másele. Úkimet arnaıy saraptama júrgizýi kerek. Al meniń jeke kózqarasym boıynsha, eń ozyq tehnologıalary bar álemdik kompanıalardan turatyn halyqaralyq konsorsıým jumys isteýi kerek”. Qalǵanyn ári qaraı, ómir kórsetedi", - dedi Toqaev.
Úkimet basshysy Oljas Bektenov elimiz úshin mańyzdy tarıhı sátte azamattyq boryshyn oryndap, halyqtyń pikirine qurmetpen qaraıtynyn kórsetti.
Premer-mınıstr referendým elimizdiń energetıkalyq bolashaǵyn anyqtaıtyn sheshýshi kezeń ekendigin atap ótip, árbir qazaqstandyqtyń tańdaý jasaýy eldiń keleshegine úlken áser etetinin aıtty.
Almaty qalasynyń ákimi Erbolat Dosaev jubaıymen birge Almatydaǵy №48 mektep-lıseıinde ornalasqan №388 saılaý ýchaskesine baryp, atom elektr stansasyn salý týraly respýblıkalyq referendýmda daýys berdi.
Almaty shaharynda turatyn mádenıet qaıratkerleri men óner maıtalmandary da saıası naýqannan tys qalǵan joq.
"Halyq osy jaýapkershilikti túsinip, óz tańdaýyn jasaýda. Bul tańdaý — elimizdiń keleshegine degen senimimizdiń jáne ortaq ıgilik úshin kúsh biriktirý nıetimizdiń dáleli", dedi referendýmǵa kelgen Halyq ártisi Asanáli Áshimov.
Aty ańyzǵa aınalǵan qazaqstandyq opera ánshisi, Memlekettik syılyqtyń laýreaty Bıbigúl Tólegenova atom elektr stansıasyn salý máselesi boıynsha referendýmǵa daýysyn úıinde berdi. №559 saılaý ýchaskesiniń ókilderi búletenderge arnalǵan ýrnany Bıbigúl Ahmetqyzynyń turǵylyqty mekenjaıyna ákeldi.
Qazaqstannyń Halyq ártisi, Qazaq KSR eńbek sińirgen mádenıet qyzmetkeri, kompozıtor jáne ánshi Altynbek Qorazbaev №202 mektep-gımnazıasynda ornalasqan № 211 ýchaskesinde daýys berdi.
Qazaqstannyń eńbek sińirgen ártisi Bahtıar Taılaqbaevtyń pikirinshe, mundaı senimdi ári tıimdi energıa kóziniń bolýy tek qazirgi máselelerdi sheship qana qoımaı, bolashaq ósip-órkendeýge de jaǵdaı jasaıdy.
QR eńbek sińirgen qaıratkeri, Qurmet ordeniniń ıegeri Qudaıbergen Bekish Almatydaǵy №168 mektepte ornalasqan № 416 ýchaskege baryp, referendýmda daýys berýge qatysty.
Almaty mýzykalyq kolejinde ornalasqan №64 saılaý ýchaskesine alǵash bolyp daýys bergen qoǵam qaıratkeri Asyly Osman boldy.
Eldiń ekonomıkasy úshin mańyzdy sanalǵan saıası dodadan qarıalar da qalys qalyp jatqan joq. 
Qyzylorda oblysynyń Syrdarıa aýdanynda turatyn Ekinshi dúnıejúzilik soǵys ardageri Iahıa Tasyrov referendým kúni belsendilik tanytyp, óz ýchaskesinde daýys berdi.
Tyl eńbekkeri, Almatydaǵy Naýryzbaı aýdanynyń 99 jastaǵy turǵyny Kamıla Qasymova Qazaqstanda atom elektr stansıasyn salý máselesi boıynsha respýblıkalyq referendýmǵa qatysty.
Búgingi referendýmǵa elimizde turatyn ózge ult ókilderi, qoǵamdastyq músheleri de belsene atsalysty.
Ataman Vladımır Shıhotovtyń aıtýynsha, qazaqstandyqtardyń referendýmǵa belsendi qatysýy tikeleı Qazaqstannyń bolashaǵyna áser etedi.
Almatydaǵy Qazaqstandyq orys mádenı ortalyǵynyń tóraǵasy Vsevolod Lýkashev referendýmǵa qatysyp daýys berdi.
Referendým saıası shara bolýymen qatar halyqtyń rýhyn kóteretin patrıottyq máni bar naýqan.
Megapolıstiń №173 mektep-lıseıinde ornalasqan №585 saılaý ýchaskesinde almatylyqtardy alyp batyrlar qarsy aldy. Osy beınesimen olar daýys berýshilerge kóshpendiler áleminiń atmosferasyn sezdirdi.
Batyrlar legin Memlekettik qýyrshaq teatrynda ornalasqan №361 saılaý ýchaskesine kelip, óz tańdaýyn jasaǵan olımpıada chempıony Ermahan Ibraımov jalǵady.
Aǵa býynnyń saıası belsendiligin jastar da jalǵastyryp áketti.
Referendýmda «Mıss Almaty» ataǵynyń ıegeri Eldana Saýranbaeva da daýys berdi.
“Miss Universe Kazakhstan 2023”, “Miss Almaty 2023” atanǵan almatylyq arý Madına Almýhanova Almatydaǵy №243 referendým ýchaskesinde daýys berdi.
Áıelder boksy boıynsha Parıjdegi XXXIII jazǵy Olımpıada oıyndarynyń qola júldegeri Nazym Qyzaıbaı Almatydaǵy saılaý ýchaskeleriniń birinde daýys berip, AES qurylysy boıynsha referendýmǵa qatysty.
№101 saılaý ýchaskesine Referendýmǵa daýys berýge ánshi, kompozıtor Dıdar Kaden keldi.
Búgingi referendýmnyń búlleteni.
10 myńnan astam referendým ýchaskesine barǵan halyq "Qazaqstanda atom elektr stansıasyn salýǵa kelisesiz be?" degen suraqqa jaýap beredi. "Iá" nemese "joq" degen eki jaýap nusqasy qarastyrylǵan.
Saılaýshylar tiziminde 12 mln 233 myńnan astam azamattyń aty-jóni bar. Referendým saılaýshylardyń 50 paıyzdan astamy qatysqan kezde ótti dep sanalady.