Májilis depýtaty Ǵalymjan Eleýov medısınalyq ońaltý salasyndaǵy máselelerdi kóterip, Densaýlyq saqtaý mınıstrine depýtattyq saýal joldady, dep habarlaıdy Almaty-akshamy.kz.
Depýtattyń aıtýynsha, búginde 600 myńǵa jýyq adam ońaltýdy qajet etetin aýrýlardan zardap shegedi. Medısınalyq saqtandyrý júıesin engizýmen medısınalyq ońaltýdy qarjylandyrý 13 esege ósip, 2023 jyly 78 mlrd teńgeni qurady. Pasıentterdi medısınalyq ońaltý qyzmetimen qamtý 6 esege jýyq artty,-dep jazdy QazAqparat.
Ǵalymjan Eleýov atap ótkendeı, jetkizýshilerdiń 70 paıyzynda bilikti mamandar joq, kóptegen jetkizýshilerde qajetti jabdyq joq. Kilem, tarazy, dıvan, massaj - osylaısha bizde Ońaltý ortalyqtary ashylady. Al osy ortalyqtarda kim emdelip jatqanyn eshkim baqylamaıdy.
«Belgili bir ońaltý áleýeti joq, kóbinese eshqandaı kórsetkishteri joq pasıentter qabyldanady nemese tańdalady. Nelikten biz medısınalyq saqtandyrý aqshasyn ysyrap etýge jol beremiz? Medısınalyq saqtandyrý qory barlyq jumysyn shuǵyl túrde sıfrlandyrýy kerek. Óıtkeni, halyq aqshasyn senip tapsyryp otyr»,-dedi Eleýov.
Osyǵan oraı, depýtat Densaýlyq saqtaý mınıstrliginen tıisti shara qoldanýdy surady.