Bul týraly Eńbek jáne halyqty áleýmettik qorǵaý mınıstri Tamara Dúısenova málimdedi.
Mınıstrdiń aıtýynsha, elimizge kelip jatqan Reseı azamattary eldiń eńbek naryǵyna qatty áser etip jatyr, dep habarlaıdy Almaty-akshamy.kz
Eńbek mınıstrligi elge jumys izdep keletin sheteldikter sanyna kún saıyn monıtorıń júrgiziletinin atap ótti.
«Jyl basynan beri Qazaqstanǵa Reseıden 262 myń adam kelgen. Onyń ishinde 6518-i elge kirýdegi maqsaty jumysqa ornalasý ekenin kórsetti. Qazaqstanda qazir 8,7 mln azamat jumys isteıdi. Bıyl sheteldik jumysshylardy tartýǵa kvota 28 myńǵa adamǵa berildi, onyń tek 15 myńy ǵana istep júr. Al EAEO elderiniń azamattaryna kvota qajet emes. Olar Qazaqstanǵa emin-erkin kelip-ketip, eńbek ete alady. Qazir Qazaqstanda Reseıdiń 25 301 azamaty jumys isteıdi. Jańadan kelgenderdi esepke alsaq, qazir respýblıka aýmaǵynda júrgen jáne elge kelý maqsaty – jumysqa ornalasý dep kórsetken shamamen 31 myń adam bar», - dedi Dúısenova.
Mınıstr Qazaqstanǵa kirip jatqan reseılikter eńbek naryǵyna qatty áser etip jatpaǵanyn, úkimet, eń aldymen, qazaqstandyq jastardy jumysqa ornalastyrýǵa basymdyq beretinin atap ótti.
«Eger azamattar tym kóp kelip, ulttyq qaýipsizdigimizge qaýip tónse, biz qosymsha sharalar qabyldaımyz», - dep sendirdi mınıstr.