Bul týraly Qarjy naryǵyn retteý jáne damytý agenttigi habarlady.
Qazaqstan Respýblıkasy Qarjy naryǵyn retteý jáne damytý agenttiginiń 2022 jyldyń basynan bastap kolektorlyq agenttikterdiń qyzmetin retteý men baqylaýdy júzege asyrýy sheńberinde kolektorlyq agenttikterdiń tiziliminen 31 kolektorlyq agenttik shyǵaryldy, dep habarlaıdy Almaty-akshamy.kz Inbusiness.kz cilteme jasap
Tizilimnen shyǵarýǵa:
26 kolektorlyq agenttik boıynsha: kolektorlyq agenttiktiń óz qyzmetin erikti túrde toqtatý týraly sheshimi ("Kolektorlyq qyzmet týraly" Qazaqstan Respýblıkasy Zańynyń 9-baby 1-tarmaǵynyń 8-tarmaqshasyna sáıkes);
5 kolektorlyq agenttik boıynsha: kolektorlyq agenttikterdiń tizilimine engizilgen kúnnen bastap qatarynan kúntizbelik on eki aı ishinde kolektorlyq qyzmetti júzege asyrmaýy negiz boldy.
"Tizilimnen shyǵarý týraly habarlamany alǵan sátten bastap kolektorlyq agenttikterge bereshekti óndirip alý týraly jańa sharttar jáne banktik qaryz sharttary jáne mıkrokredıt berý týraly sharttar boıynsha kolektorlyq agenttikke quqyqtyń ótý talaptaryn qamtıtyn sharttar jasasýǵa tyıym salynady", – dep habarlady Qarjy naryǵyn retteý jáne damytý agenttigi.
Sanksıalar qoldanylǵan kolektorlyq agenttikter boıynsha barynsha jan-jaqty aqparatpen myna silteme boıynsha tanysýǵa bolady: "Kolektorlyq agenttikter".