Qazaqstanda 23 mln tonnadan astam mal azyǵy daıyndaldy
2025–2026 jyldardaǵy qysqy maýsymǵa daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary belsendi jalǵasýda, dep habarlaıdy aqshamnews.kz ASHM saıtyna silteme jasap.
Jergilikti atqarýshy organdardyń málimetinshe, 19,5 mln tonna shóp (jospardyń 79,6%-y), 1,5 mln tonna pishendeme (89,2%), 620,8 myń tonna quramajem (11,1%), 1,28 mln tonna saban (27,6%), 367,1 myń tonna súrlem (18,1%) daıyndaldy.
Belsendi jumys Qostanaı (98,0%), Aqmola (96,5%), Soltústik Qazaqstan (106,7%), Pavlodar (91,1%) oblystarynda, Jetisý oblysynda (91,0%), sondaı-aq Shymkent qalasynda 100% jospar oryndalǵany baıqalady.
Daıyndalǵan mal azyǵynyń kórsetilgen kólemderi janýarlardy tolyqqandy azyqtandyrýǵa, josparly ónim men tól alýǵa, sondaı-aq mal basynyń saqtalýyn qamtamasyz etýge múmkindik beredi.
Jalpy respýblıkadaǵy mal azyǵymen qamtamasyz etý jaǵdaıy turaqty.