Elimizdiń óńirlerinde egin jınaý naýqany jalǵasýda.
Dándi jáne dándi-burshaqty daqyldardyń boljamdy jınaý alańy 16 mln gektardan asady, - dep habarlaıdy Aqshamnews.kz.
Búgingi tańda 8,4 mln gektar nemese jalpy egis alqaptarynyń 52,6%-y jınaldy. Nátıjesinde 12,7 mln tonna astyq bastyryldy.
Dándi daqyldardan bólek, aýyl sharýashylyǵy taýaryn óndirýshiler 435 myń tonna maıly daqyl, gektaryna 224,3 sentner ónimdilikpen 1,5 mln tonna kartop jáne gektaryna 284,5 sentner ónimdilikpen shamamen 2,5 mln tonna kókónis jınady.
Atap aıtqanda, 330,1 s/ga ónimdilikpen 396 myń tonnadan astam qyryqqabat, 423,3 s/ga ónimdilikpen 676,7 myń tonna pıaz, sondaı-aq 296,6 s/ga ónimdilikpen 241,2 myń tonna sábiz jınaldy.
Egin jınaý naýqany uıymdasqan túrde, agrotehnıkalyq talaptarǵa saı merzimde ótýde.