Almatyda jalǵan shot-faktýralardy paıdalaný arqyly memleketke 686 mıllıon teńge kóleminde zalal keltirgen uıymdasqan qylmystyq top múshelerine sot úkimi shyqty, - dep habarlaıdy Aqshamnews.kz.
Bul týraly qala prokýratýrasy habarlady.
Tergep-tekserý barysynda anyqtalǵandaı, bir top adam taýarlar men qyzmetterdi naqty oryndamastan, jalǵan shot-faktýralardy rásimdeý arqyly salyq tóleminen jaltarý sqemasyn uıymdastyrǵan. Qylmystyq áreketti jasyrý maqsatynda olar jalǵan biriktirý rásimderin júrgizip, formaldy túrde tirkelgen seriktestikterdi keıinnen joıǵan.
Atalǵan zańbuzýshylyqtar Sotqa deıingi tergep-tekserýlerdiń biryńǵaı tiziliminde tirkelgen. Qala prokýratýrasynyń qadaǵalaý sharalary nátıjesinde zańsyz biriktirý áreketi toqtatyldy.
Almaty qalasynyń soty toptyń alty qatysýshysyn QR Qylmystyq kodeksiniń:
- 216-baby – (Shot-faktýralardy, esep-faktýralardy jalǵan jasaý)
- 262-baby – (Uıymdasqan qylmystyq topty qurý jáne oǵan basshylyq etý) boıynsha kináli dep tanydy.
Sot úkimine sáıkes, árbir sottalýshy qylmystyń aýyrlyǵyna baılanysty 6 jyldan 8 jylǵa deıin bas bostandyǵynan aıyryldy.