Densaýlyq saqtaý mınıstrligi medısınalyq bilim berý sapasy boıynsha engizilgen talaptar aıasynda elimizdiń 91 medısınalyq kolejin memlekettik atestattaýdan ótkizdi, onyń 11-i atestattaýdan óte almady
Memlekettik atestattaý densaýlyq saqtaý salasyndaǵy tehnıkalyq jáne kásiptik bilim berý salasyndaǵy oqý jumys baǵdarlamalaryna, bazalyq kásiptik modýlderdi oqytýǵa, memlekettik jalpyǵa mindetti bilim berý standartynyń talaptaryna, kadrlyq áleýetke, oqý-tárbıe jumysyn uıymdastyrýǵa qatysty birqatar máselelerdi anyqtady, dep habarlaıdy Almaty-akshamy.kz
Densaýlyq saqtaý mınıstrliginiń ókilderi anyqtalǵan buzýshylyqtar bir jyl ishinde joıylýǵa tıis ekenin eskertip, túsindirý jumystaryn júrgizdi.
«Qaıta atestattaý kezinde buzýshylyqtar anyqtalǵan jaǵdaıda, QR Densaýlyq saqtaý mınıstrligi densaýlyq saqtaý salasyndaǵy bilim berý uıymyna barý nemese bilim berý qyzmetine lısenzıany qaıtaryp alý arqyly baqylaý josparyna engizý úshin atestattaýdan ótpegen medısınalyq kolejderdiń tizbesin QR Bilim mınıstrligine jiberedi»,- delingen vedomstvo habarlamasynda.