Almaty qalasy Máslıhatynyń kezekten tys VII sesıasynda depýtat, qoǵam qaıratkeri, ekolog Tımýr Eleýsizov "avtobýstar zıratyna" máselesin kóterdi.
- Biz jalpy uzaq jyldar boıy ákimdikti jolaýshy tasymalyn sýbsıdıalaýyn qoldap keldik, sebebi onyń bári shyǵyn. Biraq qazir áleýmettik jelide 600 avtobýs pen 100 troleıbýs jaıly "avtobýs zıraty" máselesi kóterilip jatyr. 600 avtobýs ne úshin jumys istemeıdi, nege olardyń bólshekteri satyp alynyp ary qaraı qoldanysqa enbeı jatyr?
Oǵan Qalalyq mobıldilik basqarmasynyń basshysy Saǵyndyq Telibaev jaýap berdi. Onyń sózinshe, bul turaqta 823 avtobýs bar, onyń 651-i senim basqarýy negizinde "Green Bus" JSHS jumys istegen.
- Bul avtobýstar 2010-2013 jyldary shyǵarylǵan. Qazir olardyń tozyǵy jetkendikten jóndeý múmkin bolmaı emes. Al qalǵan 157 avtobýsty Almaty oblysynyń balansyna berdik. Jalpy sany 15 bolatyn 18 metrlik LıAZ avtobýstary saqtaýda tur. Qazir olardyń bólshekteri satyp alynýda jáne de bıyl bul 15 avtobýsty jóndeýdi josparlap otyrmyz.