«Adal azamat» baǵdarlamasy sheńberinde ázirlengen biryńǵaı dızaın-kodpen 100-ge jýyq bilim ordasy jańaryp, ulttyq bolmys pen zamanaýı stıl úılesim tapty, - dep habarlaıdy Aqshamnews.kz.
Oqý-aǵartý mınıstrliginiń málimetinshe, biryńǵaı dızaın-kod – tek qabyrǵalardy bezendirý úlgisi emes, tárbıeleýdiń jańa tetigi. Onda ulttyq naqyshtaǵy oıý-órnekter men zamanaýı kórkem sheshimder úılesim tapqan. Mektep qabyrǵalary Qazaqstan tabıǵatynyń sulýlyǵyn, tarıhı tulǵalardyń beınesin, uly oıshyldardyń qanatty sózderin beıneleıtin mýraldarmen tolyqtyrylady. Sondaı-aq, ortaq shrıft, tús jáne navıgasıa júıesi qarastyrylyp, mektep keńistigi biryńǵaı estetıkalyq jáne tárbıelik baǵytta jańǵyrtylýda.
Keńistik oqýshylardyń jas ereksheligine saı jasalǵan: bastaýysh synyptarda – meıirim men patrıottyq tárbıege, orta jáne joǵary býynda – pándik tereńdik pen zertteýshilik mádenıetke basymdyq beriledi.
Jańa dızaın-kod aldymen «Keleshek mektepterde», keıin renovasıa josparlanǵan 1300 mektepte júzege asyrylady.