Merzimdi áskerı qyzmetke shaqyrýdyń kóktemgi naýqany taıap qaldy
Áskerge shaqyrý komısıalaryn jergilikti jerlerde qalalar men aýdan ákimderiniń orynbasarlary basqarady. Bul týraly Ortalyq komýnıkasıalar qyzmetinde ótken brıfıńte QR Qarýly Kúshteri Bas shtaby uıymdastyrý-jumyldyrý jumystary departamentiniń bastyǵy Sáken Júsipov málimdedi, dep habarlaıdy Almaty-akshamy.kz Elorda.info
1 shildege deıin Qarýly Kúshterdiń, Ulttyq qaýipsizdik komıteti Shekara qyzmetiniń jáne Ulttyq ulannyń qataryn 17 myńnan astam áskerge shaqyrylýshy tolyqtyrady.
«Qoldanystaǵy zańǵa sáıkes, áskerge shaqyrýdy keıinge qaldyrýǵa nemese odan bosatylýǵa negizderi joq 18-27 jasqa deıingi, Qazaqstan Respýblıkasynyń azamattary merzimdi áskerı qyzmetke shaqyrylýǵa jatady. 2021 jylǵy kóktemgi áskerge shaqyrýdan bastap, áskerge shaqyrýdy keıinge qaldyrý nemese odan bosatý memlekettik kórsetiletin qyzmetter bolyp tabylady. Olar azamattarǵa elektrondyq úkimet portaly arqyly kórsetiledi. Atalǵan qyzmetterdi kórsetýge jergilikti atqarýshy organdar jaýapty. Áskerge shaqyrylýshylardy habardar etýdi SMS-habarlamalar taratý, sondaı-aq úı jáne qyzmettik mekenjaılary boıynsha jeke shaqyrý qaǵazdaryn joldaý arqyly iske asyrý josparlanýda. Jas býyndy PTR zertteýi 2 ret júrgiziletin bolady: birinshisi – áskerge shaqyrý kezinde jıyn pýnktterinde, ekinshisi – jas býyn áskerı bólimderge kelgen kezde», - dedi S.Júsipov.
Departamenti bastyǵy nıet bildirgen árbir azamat áskerge shaqyrý týraly aqparat jáne ózin tolǵandyrǵan suraqtarǵa jaýap ala alatynyn atap ótti. Ol úshin Qorǵanys isteri jónindegi departamentterde «Qarýly Kúshter – adaldyq alańy» atty jobalyq keńse jumys isteıdi, áleýmettik jelilerde elektrondyq jáshikter men resmı akkaýnttar ashyldy.