Qazaqstan Ystyqkól jaǵalaýyndaǵy tórt demalys aımaǵynan aıyrylyp qalýy yqtımal, dep habarlaıdy aqshamnews.kz Kaktus Media-ǵa silteme jasap habarlaıdy.
2025 jyldyń 14 sáýirinde Qyrǵyz Respýblıkasynyń Jogorký Keneshindegi halyqaralyq ister jónindegi komıteti eki el arasyndaǵy kelisimge ózgerister engizý týraly zań jobasyn úsh oqylymda qabyldady.
Qyrǵyzstannyń ekonomıka jáne komersıa vıse-mınıstri Iskender Asylkýlovtyń aıtýynsha, Qazaqstan 2006 jyly jasalǵan kelisim negizinde Ystyqkóldegi birqatar demalys aımaǵyn jalǵa alǵan. Olarǵa:
-
«Olımp» sporttyq-saýyqtyrý ortalyǵy,
-
«Samal» pansıonaty,
-
«Ýnıversıtet» lageri
-
«Qazaqstan» sanatorııi kiredi.
Bastapqy kelisimde bul nysandardy jańǵyrtý mindeti bolǵanymen, naqty talaptar men jaýapkershilik tetikteri anyq kórsetilmegen. 2009 jyly taraptar 49 jylǵa jer telimderin jalǵa berý týraly qosymsha kelisimge qol qoıdy. Al 2023 jyly Qazaqstannyń jaýapkershilik bóligin qaıta qarap, sol jyldyń jeltoqsanynda jańa ózgerister engizildi.
Negizgi sharttar:
-
Rekonstrýksıa merzimi: 31 jeltoqsan 2029 jylǵa deıin;
-
«Qazaqstan» sanatorııi – 4 juldyzdy qonaqúı deńgeıine deıin jańǵyrtylýy tıis;
-
«Ýnıversıtet» jáne «Samal» – kem degende 3 juldyz deńgeıine jetýi kerek;
-
«Olımp» – tolyqqandy sport bazasyna aınalýy tıis;
-
Qurylys pen jóndeý jumystaryna keminde 90% qyrǵyzstandyq azamattar tartylýy qajet (buryn 80% bolǵan).
Mindet oryndalmasa ne bolady?
Eger Qazaqstan bes jyl ishinde talaptardy oryndamasa, nysandar ótemaqysyz Qyrǵyzstannyń menshigine qaıtarylady.