Qazaqstanda AES salý mindetti túrde qajet. Qazirdiń ózinde elimizde elektr energıasy tapshylyǵy baıqalýda, al basqa energıa kózderimen jaǵdaı ońaı emes.
Bizdiń gıdroenergıamyz jetkiliksiz, tabıǵı gaz óte qymbat. Kómirdi paıdalaný ekologıaǵa keri áser etip, úlken kólemde kómirqyshqyl gazynyń shyǵýyna ákeledi. Bul kompanıalar úshin qomaqty aıyppuldarǵa sebep bolýda.
Mysaly, Germanıany alaıyq. Ótken jyly Germanıa atom energetıkasynan tolyqtaı bas tartty. Onda 1 kılovatt-saǵat elektr energıasynyń ortasha quny shamamen 30 eýrosentti quraıdy, bul shamamen 144 teńgege teń. Úsh adamnan turatyn otbasy jylyna 2500 kılovatt-saǵat energıa tutynady, bul shamamen 750 eýrony nemese 400 000 teńgeni quraıdy.
Qazirgi tańda Germanıada elektr energıasyn óndirý úshin kómirdi jaǵý tıimdirek bolyp tur, al jel men kún elektr stansıalarynyń úlesi 47%-dy qurasa da, bul energıany paıdalaný qymbat jáne tıimdi emes.
Halyqaralyq tájirıbe kórsetip otyrǵandaı, Qazaqstan úshin AES salý eń durys sheshim. Bul bizge energetıkalyq táýelsizdikti qamtamasyz etip, elektr energıasynyń qoljetimdiligin arttyrýǵa múmkindik beredi.