Qazaqstan UOK prezıdenti Gennadıı Golovkın Italıanyń Býsto-Arsısıo qalasyndaǵy Parıj Olımpıadasynyń joldamalary sarapqa salynyp jatqan týrnırge boksshylarymyzdy qoldaýǵa arnaıy bardy.
Atalǵan synda Parıjdegi Olımpıada oıyndaryna barlyq salmaqta lısenzıa oınatylyp jatyr. Týrnırde erler men áıelder komandasy baq synaýda.
«UOK basshysy sheshýshi jekpe-jekter kezinde qazaqstandyq boksshylarǵa qoldaý kórsetedi. Bul Gennadıı Golovkınniń QR UOK prezıdenti qyzmetine saılanǵaly bergi alǵashqy resmı sapary», - delingen resmı habarlamada.