Qazaqstan Ulttyq Olımpıadalyq komıteti 63,5 keli salmaqta judyryqtasqan Muhammedsabyr Bazarbaıuly men grýzıalyq Lasha Gýrýlı arasyndaǵy jekpe-jek nátıjesin túsindirýdi talap etip, resmı túrde PBU-ǵa (Paris boxing Unit) shaǵym túsirdi, dep habarlaıdy aqshamnews.kz UOK-ne silteme jasap.
«Qazaqstan UOK Muhammedsabyr Bazarbaıulynyń jekpe-jegine qatysty shaǵym túsirdi. Biz bul nátıjemen kelispeımiz jáne PBU-dan túsiniktime talap ettik. Budan HOK ta habardar.
Bizdiń oıymyzsha, qazaqstandyq boksshy 2024 jylǵy Olımpıadanyń jartylaı fınalyna joldama beretin mańyzdy kezdesýde jeńiske jetti. Ótken jekpe-jektiń nátıjesin qaıta qaraý múmkin emestigin de túsinemiz.
Alaıda, biz iri halyqaralyq jarystaǵy tórelik ádil ári taza bolǵanyn qalaımyz», - dedi Qazaqstan UOK bas hatshysy Janar Ýtesheva.
Aıta keteıik, osyǵan deıin Qazaqstan UOK qazaqstandyq boksshylardyń jekpe-jeginde tórelik etken jekelegen tóreshilerge qatysty PBU-ǵa eskertý jasaǵanyn habarlaǵan bolatynbyz. Eskertý qabyldanyp, qazirgi tańda zertteý júrgizilip jatyr.